Киир

Киир

Дьокуускай куорат уулуссатыгар Донецкай Норуодунай Өрөспүүбүлүкэ бастакы баһылыга, дьоруой Александр Захарченко аатын иҥэриэхтэрэ. 
Бу туһунан СӨ Ил Дархана Айсен Николаев Кыайыы күнүн миитинигэр  иһитиннэрдэ. Генерал-майор Александр Владимирович Захарченко (26.06.1976-31.08.2018) – ДНР байыаннай уонна судаарыстыбаннай диэйэтэлэ. Кини –  2014 сылтан ДНР баһылыга, Миниистирдэр Сэбиэттэрин Бэрэссэдээтэлэ, ДНР Сэбилэниилээх күүстэрин үрдүкү главнокомандующайа (2016) этэ. 
Александр Захарченко 2014 сыллаахха быыбардааччы 77,51 %  куолаһын ылан, ДНР бастакы баһылыга буолбута. 2018 сыл атырдьах ыйын 31 күнүгэр террористыы аак түмүгэр сырдык тыына быстыбыта. 
Манна даҕатан эттэххэ, эрэгийиэннэргэ кини аатынан уулусса элбиэ. Холобур, соторутааҕыта Чечня баһылыга Рамзан Кадыров кинилэргэ эмиэ А. Захарченко аатынан уулусса баар буолуоҕун иһитиннэрбитэ.
 
Тарҕат:

Санааҕын суруй