Киир

Киир

        “Таас Үрэх Нефтегазодобыча” хампаанньа үлэһиттэрэ Улуу Кыайыы 77 сылын бэлиэтиир тэрээһиҥҥэ кытыннылар.

        Ааксыйалар, бэтэрээннэри эҕэрдэлээһин, флешмоб... Ньиэп хостуур “Роснефть” НХ иһинэн тэриллэн үлэлиир “Таас Үрэх Нефтегазодобыча” хампаанньа үлэһиттэрэ Улуу Кыайыы 77 сылын бэлиэтиир бырааһынньыкка кытыннылар. Ньиэп үлэһиттэрэ албан ааттаах дьоруойдарбытыгар – фронт буойуннарыгар, тыылга үлэлээбиттэргэ – анаммыт хас да тэрээһиҥҥэ кыттыстылар.

         “Георгиевскай лиэнтэ” аахсыйаны Орто Буотумаҕа ньиэп уонна гаас конденсата хостонор сиригэр ыыттылар. Маны таһынан бу аахсыйаны Дьокуускай, Лиэнскэй, Иркутскай уонна Усть-Куть куораттарыгар тэрийдилэр. Үлэһиттэргэ Улуу Кыайыы бэлиэтин – георгиевскай лиэнтэни, уонна бырааһынньык логотиптаах дьоҕус былааҕы туттардылар.

         Тэрилтэ үлэһиттэрэ Улуу Кыайыыны уһансарга кылааттарын киллэрбит өрөспүүбүлүкэбит ытык олохтоохторун – бэтэрээннэри, кинилэр огдооболорун, сэрии сылларын оҕолорун, тыылга үлэлээбиттэри – чиэстиир үтүө үгэстээхтэр. Быйыл “Таас Үрэх Нефтегазодобыча” үлэһиттэрэ Аҕа дойду сэриитигэр саа-саадах тутан сэриилэспит, тоҥору-хатары умнан тыылга хорсуннук үлэлээбит Ленскэй олохтоохторугар өйдөбүнньүк бэлэхтэри, сибэкки дьөрбөтүн туттардылар. Эдэр испэсэлиистэр “Память поколений” диэн аһымал аахсыйаны тэрийдилэр - киирбит үбүнэн-харчынан Ленскэй уонна Иркутскай фронтовиктарыгар ас-үөл, бородуукта нобуорун атыылаһан туттардылар.

         “Таас Үрэх Нефтегазодобыча” тэрилтэ уопсайа 96 аҕам саастаах дьону, ол иһигэр Ленскэйгэ уонна Мииринэйгэ олорор 76 сэрии уонна тыыл бэтэрээнин, сэрии сылларын оҕолорун эҕэрдэлээтилэр. Тэрилтэ үбүнэн-харчынан көмөлөһөн ыам ыйын 9 күнүгэр Аҕа дойду Улуу сэриитин 80 огдооботугар анаан сандалы остуолу тартылар.

         Минньигэс бэлэхтэри тэрилтэҕэ үлэлээбит, билигин биэнсийэҕэ олорор аҕам саастаах дьон эмиэ туттулар. Арассыыйа араас куоратыттан уопсайа 36 киһи бэлэх тутан үөрдэ.

         Иркутскайга “Таас Үрэх Нефтегазодобыча” хампаанньа уонна “Роснефть” НХ иһинэн үлэлиир уопсастыбалар –  "Верхнечонскнефтегаз", "Иркутскнефтепродукт", "РН-Бурение" итиэннэ  "АнгараНефть" үлэһиттэрэ “Үйэлээх уот” мемориалга сэлэлээн хаамтылар, бырааһынньыктааҕы флешмобка кытыннылар. Тэрээһиҥҥэ кинилэр дьиэ кэргэннэрэ эмиэ көхтөөх кыттыыны ыллылар. Барыта 80 киһи. Хаамыы кэмигэр экскурсовод Иркутскай куорат сэрии кэминээҕи олоҕун, мемориал турбут устуоруйатын кэпсээтэ. Бэлиэ күнү суолталаан ниэп үлэһиттэрэ  туран эрэ 77 сыыппараны оҥорон өйдөбүл хааллардылар. Ол кэннэ “Үйэлээх уокка” тыыннаах сибэкки ууран баран, флешмобка кытыннылар. Бу кэннэ кинилэри “полевой куухуна”, сэрии кэминээҕи ырыалара күүттүлэр.

         Ленскэйгэ тэрилтэ үлэһиттэрэ Улуу Кыайыы күнүгэр анаммыт чэпчэки атлетика эстафетатыгар, “Мэлдьи тыыннаах пуолка” аахсыйаҕа кытыннылар.

         “Роснефть” хас биирдии үлэһитэ Аҕа дойду Улуу сэриитин туһунан кэнчээри ыччакка үтүө өйдбүлү хаалларарга тус кылаатын киллэрэр. Сэбиэскэй норуот өстөөҕү утары дьоруойдуу быһыыта үйэлэргэ умнуллуо суоҕа! 

Тарҕат:

Санааҕын суруй