Үгүс аҕа саастаах дьон, чуолаан тыа сиригэр олорооччулар, дойдуларыттан ханна да тэлэһийбэккэ, судаарыстыба төлүүр проеһын туһаммакка хаалаллар. Сынньана, эмтэнэ барыахтарын баҕарбыттарын да иһин, ханна-туох баарын билбэттэр, табыгастаах сири булан ылбаттар эбэтэр элбэх докумуон хомуһуутуттан иҥнэллэр. Кырдьыга да, аҕа саастаах дьоҥҥо сөптөөх, кинилэргэ бары өттүнэн сөбүлэтэр тэрилтэ ахсааннаах. Оттон тас дойдуларга, киин сирдэргэ айанныыр кэнникинэн кутталланна да диэххэ сөп. Онон аҕа саастаах дьоммут сынньанар, чэбдигирдэр, үйэлэрин уһатар усулуобуйаларын бэйэбит күүспүтүнэн тэрийэрбит уолдьаста.
Дьэ, итинник санаанан салайтаран, «Аврора Медтур» тэрилтэ бэс ыйын 1 күнүттэн Дьокуускай куоракка аҕа саастаах дьоҥҥо «Уһун үйэлэнии» диэн 10 хонуктаах чэбдигирии уонна сынньалаҥ киинин арыйан үлэлэтиэ. Бу Саха сиригэр аан маҥнайгы маннык Киин буоларын бэлиэтээн этэбит.
Чэбдигирэ кэлээччилэргэ табыгастаах буоллун диэн, киириигэ үс эрэ докумуону (пааспары, СНИЛС уонна мэдисиинэ полиһын) көрдүөхтэрэ. Оттон Ковид анаалыһын бэйэлэрэ ылыахтара. Салгыы соҕуруу сынньана барар дьоҥҥо санаторий каартатын оҥорон биэриэхтэрэ. Дьэ, уонна эһигини уон хонугу быһа быраастар көрүөхтэрэ-истиэхтэрэ, чэбдигирдиэхтэрэ, сынньатыахтара, аралдьытыахтара.
«Уһун үйэлэнии» киинин чэбдигирдэр уонна аралдьытар тосхолугар киирэр:
- Ковид кэннинээҕи туругу быһаарыы (идэлээх исписэлиистэр – терапевт, кардиолог, отоларинголог, окулист уонна д.а. – көрүүлэрэ-истиилэрэ, УЗИ аппаратынан чинчийии);
- Тупсаҕай усулуобуйалаах дьиэҕэ 10 күн, 9 түүн устатыгар хонуктаах олоруу;
- Күҥҥэ үстэ иҥэмтэлээх аһылыгынан аһатыы;
- Култуура тэрээһиннэрэ, күннээҕи аралдьытыы;
- Психолог биирдиилээн уонна бөлөҕүнэн дьарыктаныыта;
- Чэбдигирдэр физкультура;
- Кымыһынан, хомуһунан чэбдигирдии;
- САССР 100 сылын чэрчитинэн 3 кэрэхсэнэр сиргэ талан сылдьыы («Улуу Тоҕой» этнокультурнай комплекс, «Үрдэл» паарка, «Россия - Моя история» түмэл, «Арчы дьиэтэ» этнокультурнай киин, «Сокровищница Якутии», «Царство вечной мерзлоты», «Музей мамонта», «Парк Победы», «Орто Дойду» зоопарк, «Городской пляж» сынньанар сир, бастыҥ эргиэн кииннэригэр шопинг, бастыҥ киинэ тыйаатырдарыгар киинэ сеанса).
Көрөргүт курдук, Саха сиригэр соҕотох «Уһун үйэлэнии» киинин тосхоло бары өттүнэн табыгастаах уонна киэҥ ис хоһоонноох. Онон бэс ыйын 1 күнүттэн удамыр сыанаҕа эмтэнэр уонна сынньанар үтүөкэн түгэни мүччү тутумаҥ! Баҕалаах дьон 8 (914) 271 00 88 нүөмэргэ эрийэн эбэтэр суруйан билсиҥ.
