Киир

Киир

Өрөспүүбүлүкэтээҕи суһал ыстаап чахчыларынан сирдэттэххэ, Мииринэй оройуонугар хоруона хамсыгын дэбилгэнэ балай эмэ тохтоото.

Ол эрээри, аны “Стелс-Омикрон” дьаҥа сыбдьыйан кэлэр кутталлаах диэн дьаахханабын. Сыдьал көрдөрөрүнэн, бу хамсык көрүҥүттэн ордук Кытай эмсэҕэлээбит. Мииринэй - кэлии-барыы дойдута. Даҕатан эттэххэ, бастакы хоруона хамсыктаах ыарыһах Мииринэйгэ 2020 сыл муус устар ый 15 күнүгэр бэлиэтэммитэ. Ол киһи Москубаттан кэлбит этэ. Онтон нефть хостуур хампаанньа баахтатын үлэһиттэрэ утуу-субуу ыалдьыбыттара. Сонно тутатына ыам ыйыгар, Мииринэй балыыһатын стационара 50 куойкалаах ковид госпиталынан буолбута. Сүүсчэкэ киһиэхэ аналлаах обсерватордар «Горняк» профилакторийга, ХИФУ МПТИ уопсайыгар, наркологияҕа тэриллибиттэрэ.

Ковиднай госпиталга “кыһыл зона” маҥнай утаа – 6, кэлин 10-24 миэстэлээх реанимацияламмыта. Провизорскай салаа баар буолбута. Ол иэмэ-дьаама биллибэт кэмтэн ыла икки сыл ааста.

Ковид госпиталын палаататаКовид госпиталын палаатата

Бу кэм устата биһиги бу ыарыы хайдахтаах курдук ыар содуллааҕын биллибит.

Улахан хааччахтааһыны, бобууну аастыбыт. Тус бэйэм эппинэн-хааммынан биллим, икки төгүл ыалдьа сырыттым. Бүтэһик төгүл омикрон хамсыгынан ыалдьыбытым. Нэһиилэ кириэтэһэн эмчиттэр көмөлөрүнэн өрүтүннүм.

Бастакы ыалдьыыбар вакцина да, күүстээх эмп да төрүкү мэлигир этилэр. Ковид госпиталыгар антибиотиктарынан систиэмэлээбиттэрэ, испин-үөспүн кэбирэтэн иэдэйэ сыспытым. Ыарыы чымаанын билбэтэх эбэтэр ону чэпчэкитик аһардыбыт дьон манныгы улахаҥҥа уурбаттар.

Тургутуу

Оттон билигин маарыла бэбээски кэтиини, “социальнай дистанцияны” ким да дьаалайбат.

Үүммүт 2022 сыл олунньутугар уонна кулун тутарыгар, хоруона хамсыгын тула балаһыанньа Мииринэйгэ сүрдээҕин сытыырхайа сылдьан баран дьэ аматыйда. Ыарыһах ахсаана кыччаабытыгар Мииринэй уонна Удачнай балыыһаларын эмчиттэрин кылааттара сүҥкэн.

Оттон Сахабыт сиригэр хоруона хамсыгыттан ыалдьыбыттары эмтии сылдьан, сутуллан үгүс хаарыаннаахай эмчиттэрбит бу Күн сириттэн күрэннилэр. Кинилэр өссө да олоруох, үлэлиэх этилэр.

Ону, алдьархайдаах дьаҥы кытары кирсиһии инники күөнүгэр сылдьан былдьаннылар. Онон, эмчиттэрбит ыарахан үлэлэрин сыаналыах тустаахпыт.

Мииринэй балыыһатын сүүрэ сылдьар вакцинациялыыр тиэхиникэтэМииринэй балыыһатын сүүрэ сылдьар вакцинациялыыр тиэхиникэтэЫарыһах система ыларЫарыһах система ылар

Станислав Алексеев. Мииринэй куората. Ааптар хаартыскатыгар ковид госпитала.

Тарҕат:

Санааҕын суруй

Бүтэһик сонуннар