Киир

Киир

Росмолодёжь.Бизнес ыам ыйын 26 күнүттэн «Урбаан утуйбат» («Бизнес не спит») Бүтүн Арассыыйатааҕы аахсыйаны ыытар. Манна 11 кыттааччы куорат уонна урбаан эйгэтин 20 эспиэрэ булкаас ньыманан кыттыыны ылар буоллулар. Урбаанньыттар быһа биэриинэн тус биисинэһи нуултан ситиһиилээхтик саҕалыыр ньымалары уонна хардыылары кэпсиэхтэрэ. Көрөөччүлэр спикертэн тута ыйытык биэриэхтэрин, оттон онлайн эпиири көрөн олорооччулар ситим нөҥүө чаатынан боппуруостары ыйытыахтарын сөп.

Бу ураты аахсыйа ыам ыйын 26 күнүттэн, москуба бириэмэтинэн 08:45 ч. саҕаланыа. Аан бастакынан Петропавловск-Камчатскай саҕалыа, ол кэнниттэн эстэпиэтэни Владивосток ылыа. Онтон салгыы аахсыйаҕа Дьокуускай, Иркутскай, Красноярскай, Новосибирскай, Екатеринбург, Самара, Казань, Сочи уонна Калининград куораттар кыттыыны ылыахтара.

Тохтоло суох онлайн-биэрии күнү быһа буолуоҕа. Өскөтүн көрөөччүлэр кыайан холбоммокко хааллахтарына, бу тэрээһиҥҥэ Росмолодёжь.Бизнес Вконтакте https://vk.com/rosmolodez.business ситимин нөҥүө холбонуохтарын сөп.

«Хас биирдии Арассыыйа эрэгийиэнэ ураты. Биллэн туран, урбааны тэрийиигэ куорат географическай балаһыанньата, олохтоох дьонун өйө-санаата (менталитета) учуоттанар. Биһиги киин Арассыыйаҕа олорон, холобура, Владивосток куоракка ритейл эйгэтэ хайдах оҥоһуллубутун билбэт буоллахпыт. Ол эрээри, бу эрэгийиэн тус кыаҕын туһунан билсэр, бэйэ эйгэтин кэҥэтии, саҥа билсиһиилэри олохтооһун уонна ыраах куораттарга биисинэс-партнердары булуу, дьиҥинэн, быһаарыллар сорук. «Урбаан утуйбат» («Бизнес не спит») аахсыйа – дойдубут уратылаһар географиечскэй сирдэригэр бэйэ урбаанын арыныы хардыыларын, ньымаларын быһаарыы...» - диэн Росмолодёжь.Бизнес трек салайааччыта Алексей Рвачёв кэпсиир.

Бу тэрээһиҥҥэ 18 саастарыттан 35-р диэри Арассыыйа олохтоохторо кыттыыны ылыахтарын сөп.

https://myrosmol.ru/event/95791 сигэнэн киирэн регистрацияна ааһыҥ.

Тэрийээччилэр: Ыччат дьыалатыгар Федеральнай эгиэнистибэ Росмолодёжь.Бизнес трегэ.

Аахсыйаны тэрийсээччилэр – эрэгийиэннэҕи үрдүк үөрэх кыһалара, ыччат кэмитиэттэрэ, ыччат бэлиитикэтин департаменнара, «Мой бизнес» тэрилтэлэр уонна «Знание» уопсастыба.

Yakutskcity.ru Дьокуускай куорат дьаһалтатын

официальный саайта

Тарҕат:

Сэҥээриилэр

132132
0 132132 18.05.2022 12:01
23132
Ответить

Санааҕын суруй