Киир

Киир

Снегоболотоход диэн тырааныспар Хотугу сирбит тыйыс усулуобуйаларыгар пуочтаны таһарга анаммыт.

«Саҥа тиэхиникэ суол алдьаммыт кэмигэр, баһыылканы уонна суруктары бэрт түргэнник тиэрдиэҕэ. Сотору кэминэн, Кэбээйи оройуонун олохтоохторо пуочта уруккунааҕар түргэнник тиийэрин билиэхтэрэ», - диэн Саха Өрөспүүбүлүкэтин Федеральнай пуочта сулууспатын бырабылыанньатын дириэктэрэ Петр Птицын этэр.

Пуочта салаатын салайааччытын Афанасий Полятинскай тус устуоруйатыгар тирэннэххэ, маннык баһыылканы түргэнник тиэрдэр тиэхиникэ суһаллык баар буолуохтааҕын туһунан туоһуну булуохха сөп. Саха Өрөспүүбүлүкэтэ тыйыс килиимэтинэн биллэр. Кыһын манна кыраадыс -50С, оттон сайын +40С тиийэр, онон, биһиги үлэһиттэрбит олус эппиэтинэстээхтэр уонна бэйэлэрэ тус уратылаахтар. Биһиги кинилэринэн киэн туттабыт».

Почту в отдаленный район Якутии будут доставлять на вездеходе 2

Арассыыйа пуочтата Сангаар бөһүөлэгэр снегоболотоходу тиэрдибитэ. Муус барбытын кэнниттэн, бу тиэхиникэ оройуон пуочталарын морсурууттарын сылдьыаҕа. «Сокол +» снегоболотоход бэнсиининэн барар уонна түргэнин 50 км/ч тиийэ сайыннарар.

«Муус барбытын кэннэ тайҕабытыгар барыта устан барар: суоллары УАЗ массыынанан, тыраахтырынан даҕаны туораабат гына алдьатар. Онон, вездеход пуочтаны тиэрдэргэ көмө буолуо, бу суолтата олус улахан», - диэн Сангаар пуочтатын салайааччыта Афанасий Полятинскай кэпсиир.

Арассыыйа пуочтата Сангаартан салгыы Кэбээйи 13 нэһилиэнньэлээх пууннарыгар пуочтаны тиэрдэр: Сииттэҕэ, Кэбээйигэ, Тыайаҕа, Сэгээн Күөлгэ, Мастаахха, Баҕадьыга, Чагдаҕа, Арыктаахха, Сэбээн Күөлгэ, Лүксүгүҥҥэ, Сайылыкка, Арҕаска, Батамайга. Саамай чугас нэһилиэк – Арҕас. Манна диэри тиийиигэ суол өрүс нөҥүө барар. Хас ый ахсын Пуочта оройуон олохтоохторугар 600 киилэттэн 1 туоннаҕа тиийэ пуочта илдьиттэрин тиэрдэр, ол эбэтэр хас биирдии нэһилиэккэ 120 киилэ пуочтаны тиэрдэр.

Бэлиэтиир буоллахха, Сангаарадаҕы пуочта салаатын салайааччыта Афанасий Полятинскай «Сыл киһитэ» («Человек года») диэн кэрпэрэтиибинэй үрдүк наҕарааданы туппута, кини ыраах сытар улуустарга пуочтаны тиэрдээри, тайҕанан 350 килэмиэтири айаннаабыт уонна 97 киилэ пуочтаны тиэрдибит.

«Арассыыйа пуочтата» Саха сиринээҕи салаатын пресс-сулууспата сырдатыытыттан

 

 

Тарҕат:

Санааҕын суруй