Биһиги, норуот дьокутааттара, уопсастыбанньыктар, биллиилээх учуонайдар Анатолий Игнатьевич уонна Диана Васильевна Чомчоевтар дьиэ кэргэн доҕотторо, аймах-билэ дьоно, өрөспүүбүлүкэбит салалтатыгар уонна олохтоохторугар ыҥырыы ыытабыт.
Бары билэргит курдук, Анатолий Игнатьевич хара санаалаах дьон сидьиҥник саба түһүүлэрин кэннэ улаханнык эмсэҕэлээн, балыыһаҕа ыарахан туруктаах сытар. Быраастар үтүөлэринэн арыый бэттэх кэллэ диэххэ сөп.
Биһиги Анатолий Игнатьевич тыынын быыһыыр туһугар күнүстэри-түүннэри үлэлиир быраастарга уонна балыыһа үлэһиттэригэр үрдүк билиигит, болҕомтоҕут,кыһамньыгыт иһин олус махтанабыт уонна эһиги көмөҕүтүнэн ытык киһибит түргэнник өрүттүө диэн эрэнэбит.
Бу быһылаан бар дьону аймаата, долгутта. Өрөспүүбүлүкэ бары муннуктарыттан уонна атын сирдэртэн Анатолий Игнатьевичка үтүө баҕа санаалар, өйүүр тыллар күннэтэ кэлэ тураллар. Ол курдук, кинини үчүгэйдик билэр, ытыктыыр, киниэхэ махтанар дьон олус элбэхтэр.
Онуоха, кинилэр 12 сыл бииргэ олорбут холомо дьиэлэрэ эргэрэн саастаах дьон олороругар табыгаһа суох буолбута билиннэ. Ол иһин үтүө санаалаахтар түмсэн эргэрбит холомо дьиэни көтүрэн эрэллэр.
Онон, күндү сахабыт дьонун Анатолий Игнатьевич уонна Диана Васильевна Чомчочевтарга саҥа дьиэ тутуутугар кыттыһаргытыгар ыҥырабыт.
Биллиилээх учуонайдарбыт Чомчоевтар иэримэ дьиэлэригэр кэлбит иэдээни бары сомоҕолоһон кыайыахпыт уонна кыйдыахпыт диэн биһиги бигэ санаалаахпыт.
Көмөлөһүөн баҕалаахтарга уоллара Чомчоев Игнатий Анатольевич бааҥҥа расчетнай счетун таһаарабыт.
Баан реквизиттэрэ:
ЧОМЧОЕВ ИГНАТИЙ АНАТОЛЬЕВИЧ
Номер счёта: 40817810776004906441
ПАО СБЕРБАНК Якутское отделение №8603
БИК: 049805609
Корр. счёт: 30101810400000000609
ИНН: 7707083893
КПП: 143502001
Мобильнай баанынан харчыны ыытарга каарта нүөмэрэ:
2202 2016 6797 8072.
Анатолий Игнатьевич саҥа дьиэҕэ киирдэҕинэ, туруга түргэнник тупсуо диэн эрэнэбит!
Елена Голомарева, Ил Түмэн дьокутаата, Мария Христофорова, Ил Түмэн дьокутаата, Марина Платонова, Сулустаана Мыраан, Владислав Коротов, Николай Барамыгин, Айыл Дьулурха, Нина Герасимова, Любомир Михайлов.
Сэҥээриилэр