Киир

Киир

Ытыктабыллаах “Кыым” хаһыат ааҕаач­чылара! Аан дойдуга уонна өрөспүү­бүлүкэҕэ буола турар уустук балаһыанньанан эһи­гиттэн үп уонна быраап хайысхатыгар эл­бэх ыйытыы киирэр. Араас эйгэҕэ туох өйө­бүл, көмүскэл баарын сырдатар сыалтан “Юрист сүбэлэрэ” диэн рубриканы арыйдыбыт.

8-тарыттан 17 саастарыгар диэри саастаах оҕолорго төлөбүр туһунан

Арассыыйа Бэрэсидьиэнин 2022 сыл кулун тутар 31 күнүнээҕи 175 №-дээх Ыйаа­ҕынан, Бырабыыталыстыба уурааҕынан, дьаһалынан 8-17 саастарыгар диэри оҕолордоох кыаммат ыалларга ыйдааҕы төлөбүр олохтонно. Босуобуйа дьиэ кэргэн ыйдааҕы дохуотуттан тутулуктаах.

Бу сыл кулун тутар 1 кү­нүттэн үлэтэ суох хаалбыт, дьарыктаах буолуу киинигэр учуокка турбут дьон дохуоттара ааҕыллыбат. Ыалга итинник саастаах хас да оҕо баар буоллаҕына, босуобуйа оҕо аайы төлөнөр. Быһаччы оройуоннарга төлөбүр кээмэйэ тииһинэн олоруу алын кээмэйин 50 % ылар. Ыал дохуота ити кээмэйтэн кыра буоллаҕына, төлөбүр эрэгийиэн кээмэйиттэн улахан – 75 эбэтэр 100 % буолар. Ол эбэтэр биир оҕоҕо 6-тан 12 тыһ.солк. диэри харчы төлөнөр.

Сайаапканы ыам ыйын 1 күнүттэн биэриэххэ сөп. Бастакы төлөбүр ыам ыйын ортотуттан (муус устар 1 күнүттэн ааҕыллыбыт суума, ол эбэтэр икки ыйдааҕы төлөбүр) түһэр. Сайабылыанньаны “Госуслуги” порталга эбэтэр МФЦ-га биэриэххэ сөп.

Үлэ көрдөөччүлэргэ көмө

Дьарыктаах буолуу киинин өҥөтүнэн үлэтэ эрэ суох дьон буолбакка, үлэттэн уһуллар кутталлаах, толорута суох үлэ күнүгэр сылдьар, төлөммөт уоппускаҕа сылдьар дьон эмиэ туһаналлар. Бырабыыталыстыба уурааҕынан, ити көрүҥҥэ хапсар дьон быстах үлэҕэ үлэлиэхтэрин, үөрэниэхтэрин эбэтэр бэйэ тус дьыалатын арынарга көмөнү ылыахтарын сөп.

Эмиэ бырабыыталыстыба уурааҕынан, гражданнар туһааннаах идэлэргэ босхо үөрэнэр кыахтаахтар. Бырагыраама үлэ ырыынагын чопчу идэлэригэр үөрэтэр. Онуоха дуогабарга илии баттаныахтаах:

– Үс өрүттээх дуогабар. Маныаха үөрэтэр оператор, үлэ миэстэтин биэрээччи уонна гражданин түһэрсэллэр.

–  Икки өрүттээх дуогабар. Гражданин үөрэх түмүгэр бэйэтин дьыалатын арыныан баҕарар буоллаҕына, үөрэтээччини кытта дуогабар түһэрсэр.

Көһөрүллүбүт эриэйсэ билиэтин харчытын төннөрүү

Арассыыйа Бырабыыталыстыбатын 2022 сыл муус устар 14 күнүнээҕи уурааҕынан уонна 876 №-дээх дьаһалынан ис хааччаҕынан, Арассыыйа соҕуруу уонна киин чаастарыгар аэропортар сабыллыыларынан көһөрүллүбүт эриэйсэлэргэ билиэт ылбыт гражданнарга харчыларын төннөрөргө авиахампаанньалар туһааннаах үбү ыллылар. Быстах хааччахтааһын 11 куорат аэропортарыгар киирдэ. Ол курдук, Анапа, Белгород, Брянскай, Воронеж, Геленджик, Краснодар, Курскай, Липецкэй, Доннааҕы Ростов, Симферополь уонна Элиста куораттарга сырыы тохтоон турар. Ити хайысхаларга билиэт ылбыт гражданнар харчыларын төннөрөргө 19,5 млрд солк. көрүлүннэ. Онон, көтөр билиэттээх дьон авихампаанньаларга сибээскэ тахсыахтаахтар.

Авиахампаанньа билиэт харчытын төннөрөргө эбэтэр атын күҥҥэ Сочи, Волгоград, Москва, Ставрополь эбэтэр Минеральные Воды курдук куораттарга көтөргө этиэхтэрэ. Онтон сиринэн айаннаан, туһааннаах аадырыска тиийэр кыах баар.

Ыйытыыларгытын Этот адрес электронной почты защищён от спам-ботов. У вас должен быть включен JavaScript для просмотра. электроннай аадырыска ыытыаххытын сөп. Эһигиттэн интэриэһинэй тиэмэлэри күүтэбин.

Николай ХРИСТОФОРОВ, юрист.

Тарҕат:

Санааҕын суруй

Бүтэһик сонуннар