Киир

Киир

Орто Халымаҕа, Өлүөхүмэҕэ халаан уута кэлиитин туруга көннө.  Ол эрээри, төһө даҕаны уу таһыма түстэр, Нам оройуонугар бүгүн халаан уутун балаһыанньата уустук. Бу туһунан СӨ Бырабыыталыстыбатын бэрэссэдээтэлин бастакы солбуйааччыта Дмитрий Садовников сарсыардааҥҥы иһитиннэриитин кэмигэр эппит.

«Кэлиҥҥи үс күн иһигэр 9 дэлби тэптэрии оҥоһулунна: 2 Өлүөхүмэ улууһугар, 1 Аллара Халыма улууһугар, 6 Нам оройуонугар. Кэмигэр миэрэлэри ылыы түмүгэр, Орто Халымаҕа уонна Өлүөхүмэҕэ быһыы-майгы бигэтийдэ. Оттон Дьокуускай куоракка, Жатайга, Мэҥэ Хаҥаласка, Уус Алдаҥҥа, Намҥа уу түһүүтүн тэтимэ бытаан эбит. Ол курдук, билиҥҥи туругунан, Нам улууһун 8 нэһилиэнньэлээх пуунугар тыҥааһыннаах быһыы-майгы буолан турар», - диэн Дмитрий Садовников иһитиннэрэр.

Олохтоох бэйэни салайыныы уорганнара уонна суһаллык тэриллибит бөлөх Граф Биэрэгэр даамбаны оҥоруу үлэтин күүһүртүлэр.
“Суһал биир кэлим иһитиннэрии систиэмэтин нөҥүө нэһилиэнньэҕэ иһитиннэрии тиийдэ. Дьиэ сүөһүтүн үүрүүгэ сөптөөх миэрэлэр ылылыннылар, дьиэ кыылларыттан сүтүк тахсыбата. Уу кэлиэн сөптөөх сиригэр 1048 киһи олорор 303 тиэргэнэ, 169 дьиэтэ турар. Быстах тэриллибит пууҥҥа 64 киһи олохсуйда. Кинилэр туох баар наадалааҕынан хааччылыннылар», - диэн СӨ Бырабыыталыстыбытаны бэрэссэдээтэлин бастакы солбуйааччыта этэр.

 

Тарҕат:

Санааҕын суруй