Киир

Киир

Бүгүн, Туймаада туонатын биир эргэ тутуутугар, Мархатааҕы №1 Орто оскуолатын бүтэрээччилэргэ тиһэх чуораан чугдаарда. Быйыл бу үөрэх тэрилтэтэ 115 сааһын туолбута.

IMG 9111

«Оскуолаҕа 115 саас диэн үгүс көлүөнэ күүһүн-уоҕун уонна үлэтин уурбут суолун туоһутунан буолар. Билигин оскуола аныгы олох ирдэбилинэн саҥардылла уонна уларыйа-тэлэрийэ турар. 2022 сыллаахха биһиги бу оскуоланы хапытаалынай өрөмүөн торумугар киллэрбиппит, федеральнай бырагыраамма көмөтүнэн манна өрөмүөн ыытылла турар, оччоҕо оскуола учууталларга уонна үөрэнээччилэргэ тупсаҕай усулуобуйалаах буолуо», - диэн өрөспүүбүлүкэ бырабыыталыстыбатын бэрэссэдээтэлэ Андрей Тарасенко этэр.

IMG 9120

Эригийиэн премьерэ бэлиэтээбитинэн, учууталлар уонна төрөппүттэр оҕолору иитиигэ элбэх кыһамньыны, күүһү-уоҕу уонна сэниэни уурдулар. Кини оскуоланы бүтэрээччилэргэ ситиһиилэри, өрөспүүбүлүкэҕэ уонна дойдуга хайаан даҕаны туһаны аҕалыан сөптөөх олох дьыалатын булалларыгар баҕа санаатын эттэ.

IMG 9097

Бу оскуолаҕа билигин 800 оҕо үөрэнэр, олортон 21 үөрэнээччи оскуоланы уонна 71 оҕо 9-с кылааһы бүтэрээри сылдьар.

Санатар буоллахха, Саха сиригэр 2022-2023 сылларга оскуолалары хапытаалынайдык өрөмүөннүүргэ 2 млрд 889 мөл. солкуобай көрүллүбүтэ. Тыа сирин уонна хотугу оройуоннары холбоон туран, 25 муниципальнай тэриллии уонна уокурук 58 оскуолатын хапытаалынай өрөмүөнүгэр федеральнай субсидия анаммыта.

IMG 9050

Эрдэ Саха сирин Ил Дархана Айсен Николаев бэлиэтээбитинэн, оскуолаларга хапытаалыйан өрөмүөҥҥэ туһуламмыт Арассыыйа Федерациятын бэрэсидьиэнин Владимир Путин көҕүлээһинэ өрөспүбүүбүлүкэҕэ үөрэх тэрилтэлэрин материальнай, тэхиниичэскэй инфраструктуратын бөҕөргөтүүгэ уонна саҥардыыга сүрүн суолталаах бырайыагынан буолар. Маныаха, бырагырааммалары олоххо киллэриитэ хаачыстыбаннайдык уонна муҥутуур таһаарыылаахтык барыахтаах.

СӨ Ил Дарханын уонна Бырабыыталыстыбатын пресс-сулууспата сырдатыытыттан

Тарҕат:

Санааҕын суруй