Киир

Киир

Бүгүн, ыам ыйын 25 күнүгэр, И.М. Гоголев-Кындыл аатынан Бүлүүтээҕи нэһилиэктэр икки ардыларынааҕы кииннэммит бибилэтиэкэ ситимин иһинэн «Ыччат бибилэтиэкэтэ» үөрүүлээх-быһыыга-майгыга арылынна.

Бүлүү улууһун дьаһалтатын көҕүлээһининэн уонна норуот дьокутааттарын өйөбүлүнэн, ааҕар ыччакка креативнай эйгэни тэрийэр туһуттан, Бүлүү оройуонун бибилэтиэкэтин иккис куорпуһа – эдэр ыччат бибилэтиэкэтэ олоххо киирдэ.

Саҥа бибилэтиэкэни үөрүүлээх быһыыга-майгыга арыйыыга Бүлүү улууһун баһылыга Сергей Винокуров; Бүлүү улууһун норуодунай дьокутааттарын оройуоннааҕы Сэбиэттэрин бэрэссэдээтэлэ Гаврил Корякин; Бүлүү улууһун дьаһалтатын Ыччат сүбэтин бэрэссэдээтэлэ Иван Митясов; И.М. Гоголев-Кындыл аатынан Бүлүүтээҕи нэһилиэктэр икки ардыларынааҕы кииннэммит бибилэтиэкэ ситимин дириэктэрэ Светлана Николаева; Бүлүү куоратын баһылыгын эбээһинэһин толорооччу Татьяна Кондакова; Саха сирин култуура тэрилтэлэрин салайааччылара уонна Бүлүү оройуонун уопсастыбаннаһа кыттыыны ыллылар.

Бүлүүтээҕи бибилэтиэкэ устуоруйата1989 сыллаахтан саҕаланар. Ол сыл Бүлүү уокуругар аан бастакытын соҕотох норуодунай бибилэтиэкэ арыллан үлэҕэ киирбитэ. Онон, бу бибилэтиэкэ Саха сиригэр кырдьаҕас бибилэтиэкэлэртэн биирдэстэрэ буолар.

2021 сыллаахха Бүлүүтээҕи бибилэтиэкэ аныгылыы тэхиниичэскэй тэриллэрдээх, сабыс-саҥа икки этээстээх таас дьиэҕэ көспүтэ.

Билигин нэһилиэктэр икки ардыларынааҕы кииннэммит бибилэтиэкэ ситимэ И.М. Гоголев-Кындыл аатын сүгэр уонна бэйэтин иһигэр оройуоннааҕы оҕо бибилэтиэкэтин, нэһилиэктэргэ баар 23 салаатын, олортон 6 мэдиэлинэй бибилэтиэкин киллэрэр. Бибилэтиэкэ икки үйэ тухары ураты уонна улахан кинигэ пуондатын муста.

WhatsApp Image 2022 05 25 at 10.59.19WhatsApp Image 2022 05 25 at 11.52.50WhatsApp Image 2022 05 25 at 12.07.05WhatsApp Image 2022 05 25 at 12.07.06WhatsApp Image 2022 05 25 at 12.19.19

Тарҕат:

Санааҕын суруй