Дьокуускайга Бааһынай ырыынагар Кыһыл кинигэҕэ киирбит кустары атыылыы туралларын туһунан иһитиннэрии киирбит. Ону СӨ Айылҕа харыстабылын министиэристибэтин үлэһиттэрэ бэрэбиэркэлээн бигэргэппиттэр.
Иниспиэктэрдэр СӨ уонна Арассыыйа Кыһыл кинигэтигэр киирбит мородуну уонна тыһы кустары атыылыы туралларын туппуттар. Уопсайа 14 куһу: 5 мородуну, 3 тыһы моонньоҕону уонна 6 тыһы чыркымайы былдьаабыттар.
Биир мородуну бултааһын иһин 25 тыһ. солк. ыстараап көрүллэр. Оттон тыһы кус иһин – 1800 солк. Кыһыл кинигэҕэ киирбит куһу уонна сааскы кус кэмигэр тыһы куһу сокуоннайа суох атыылаан судаарыстыбаҕа оҥоһуллубут хоромньу кээмэйэ 141 200 солк. тэҥнэһэр.
СӨ Экологияҕа министиэристибэтэ сырдатыытыттан
