Киир

Киир

Бүгүн, Бэс ыйын 1 күнүгэр, зондировщик-сөмөлүөт илин эҥэр улуустарыгар үлэлиэҕэ. Бу туһунан өрөспүүбүлүкэтээҕи суһал ыстаап киинин сарсыардааҥҥы брифинигэр СӨ Нэһилиэнньэ олоҕор-дьаһаҕар куттал суох буолуутун хааччыйар Судаарыстыбаннай кэмитиэт бэрэссэдээтэлин солбуйааччы Иннокентий Андросов иһитиннэрбит.

«Бүгүн, 11.00 чааска, Як-42 зондировщик-сөмөлүөт Амма өрүс учаастагын, Таатта улууһун хабан туран, Уус Алдан оройуонугар тиийиэҕэ», - диэн кини быһаарбыт.

Иннокентий Андросов этэринэн, бүгүн 33 га иэннээх сиргэ, Иркутскай уобаластыын Ленскэй оройуон кыраныыссалаһар сиригэр, биир баһаар баара биллэр.

Иннокентий Андросов бэлиэтээбитинэн, 2021 сылга холоотоххо, быйыл тыа баһаардарын туруга үчүгэй.

«Быйыл, бэс ыйын 1 күнүн сарсыардааҥҥы туругунан, 17 тыа баһаара баара биллэр. Былырыын баччаларга 118 этэ», - диэн кини бэлиэтиир.

СӨ Ил Дарханын уонна Бырабыыталыстыбатын пресс-сулууспата сырдатыытыттан

 

Тарҕат:

Санааҕын суруй

Бүтэһик сонуннар