«Якутуголь» акционернай уопсастыба, холдинговай хампаанньа Саха сирин ыраах оройуоннарыгар уматыгы сайыҥҥы тиэйиитин саҕалаата. Биэс ый устатын тухары, Саха Өрөспүүбүлүкэтин ОДьКХ эбийиэктэригэр, «Дьэбэрики Хайа» быһыытыттан 172 тыһ. туонна уматык бородууксуйата тиэллиэҕэ.
«Якутуголь» Хотугу тиэйиини толорор туһуттан, чох бородууксуйатын тиэрдиигэ өрөспүүбүлүкэтээҕи сакааһы толорор.
Ыам ыйыттан алтынньы ыйыгар диэри уматыгы бу хампаанньа Амма, Үөһээ Бүлүү, Ньурба, Эдьигээн, Үөһээ Дьааҥы, Уус Майа уонна Томпо улуустарыгар тиэрдиэҕэ. Чохтоох баржалар Амма, Алдан, Бүлүү уонна Дьааҥы өрүстэринэн устуохтара.
«Хотугу тиэйии – Саха сирин хоту сытар, куһаҕан суоллаах-иистээх улуустарын наадалаах уматыгынан хааччыйыы биир сүрүн бырагырааммата. Хампаанньа, уматык бородууксуйата сайыҥҥы навигацияҕа быыстала суох тиийэрин туһугар, тиэхиникэни уонна туһааннаах тэриллэри бэлэмнээһиҥҥэ сыл ахсын туох баар күүһүн-уоҕун уурар», – диэн «Якутуголь» АУо ХК салайааччы дириэктэрэ Иван Цепков бэлиэтиир.
«Якутуголь» АУо ХК пресс-сулууспата сырдатыытыттан
