Киир

Киир

Ленскэй оройуонун көннөрөр киинигэр күһэлэҥ үлэҕэ буруйданан, накаастабылы бара сылдьааччылары муниципальнай тэрилтэлэргэ үлэҕэ ылбыттара. Кинилэри билигин үчүгэйдик үлэлии-хамныы сылдьаллар диэн сыаналыыллар.

Куораттааҕы сынньалаҥ уонна норуодунай айымньы дьиэтигэр үс буруйданааччы сылтан ордук ситиһиилээхтик үлэлии сылдьар. Манна уопсастыбаннай уонна социальнай хайысхалаах тэрээһиннэр ыытыллаллар эбит. Кинилэр сынньалаҥ киинин ис бараанын уонна сценаны өрөмүөннүүллэр, паарканы тупсарыы уонна көҕөрдүү үлэтин толороллор.

577411

Тэрилтэ дириэктэрэ Ольга Константинова күһэлэҥ үлэҕэ буруйданааччыларга бэриниилээх уонна үтүө суобастаах үлэлэрин иһин, махтал суруктары туттартаата.

Санатар буоллахха, күһэлэҥ үлэ – буруйданааччылар булгуччулаах үлэ нөҥүө уопсастыбаҕа бэйэни булуналларын уонна көннөрүнэллэрин туһугар дьаныһар соруктаах социальнай бырайыак.

Маныаха, көннөрөр киин үлэһиттэрэ кинилэри кэтииллэр-маныылла. Буруйданааччылар эбээһинэстэрин хаачыстыбалаахтык толороннор, үлэҕэ ылааччыларга бэйэлэрин үчүгэй өттүнэн көрдөрөн, инникитин үлэҕэ киирэр кыахтара улаатан биэрэр.

СӨ Накаастабылы толорууга Федеральнай сулууспа салалтатын пресс-сулууспата сырдатыытыттан

Тарҕат:

Санааҕын суруй