Киир

Киир

Саха сирин Ил Дархана, бэс ыйын 2 күнүгэр, Жатай бөһүөлэгэр уонна Хаҥалас микро-оройуонугар киириилээх «Нам» суолун 11-18 килэмиэтиригэр реконструкция барыытын туһунан билсэ тиийэ сырытта.

6Q5A5468

Суолу-ииһи көрүү-истии түмүгэр, Айсен Николаев Тырааныспар уонна суол хаһаайыстыбатын министиэристибэтигэр оҥоһулла турар «Нам» суолун Туймаада Ыһыаҕын кэмигэр быылтан ыраастыырга сорудахтаата. Маны сэргэ, Ил Дархан Ыһыах күннэригэр, Үс Хатыҥҥа тиийии схематын нэһилиэнньэҕэ кэмигэр билиһиннэрии туһунан ыйаахтаата.

Өрөспүүбүлүкэ Тырааныспарга уонна суол хаһаайыстыбатыгар миниистирэ Владимир Сивцев эппитинэн, бэс ыйын 5 күнүгэр бу учаастакка буору кутуу түмүктэниэхтээх. Ол кэнниттэн, суолу үлтүркэй таастаах уонна кумахтаах булкадаһыгынан кутан бүрүйүөхтэрэ. Миниистир салгыы быһаарбытынан, Туймаада Ыһыаҕын күннэригэр, оҥоһулла сылдьар «Нам» массыына суолун учаастагар хлористай кальцийы туттан, быылтан ыраастааһын үлэтэ ыытыллыахтаах. Маны сэргэ, тыраассаҕа уунан ыстарар дежурнай массыына үлэлиэҕэ. Ону таһынан, төрүт бырааһынньыкпыт күннэригэр, икки хайысхалаах, икки полосалаах айан суола баар буолуоҕа. Маныаха, суолу хайытар пластиктан оҥоһуллубут хаххаллар туруоруллуохтара.

6Q5A9019

Владимир Сивцев иһитиннэрбитинэн, үлэ графигынан ыыттыллар эбийиэк бэлэмэ 61%. Оҥоһулла турар учаастакка (кольцевойтан) эргимтэлээх сиртэн Нам улууһун диэки суол 3,5 килэмиэтирэ номнуо аспаалынан бүрүллүбүт. Бу кэрчиккэ бэлиэни бэс ыйын 15 күнүгэр туруоруохтара.

Билиҥҥи кэмҥэ, хаалбыт суол учаастактарыгар тутуу, хаххалары туруоруу, тротуар анныгар бордюр буолуохтаах таастары ууруу, мөлтөөбүт буору уларытыы, бүрүөһүн үрдүн уонна эниэтин бүрүйүүтүн былааннааһын үлэлэрэ бара тураллар. 

Дьокуускай куорат суолларыгар ыытылла турар үлэ туһунан Дьокуускай куорат баһылыга Евгений Григорьев сырдатта.

Көрүү-истии түмүгүнэн, Айсен Николаев эрэгийиэн Тырааныспарга министиэристибэтигэр уонна тутууну ыытар тэрилтэҕэ суолу оҥоруу уонна тупсарыы үлэтин туһааннаах болдьоххо диэри, о.э. балаҕан ыйын 23 күнүгэр диэри бүтэрэллэрин сорудахтаата.

6Q5A9242

Санатар буоллахха, оҥоһулла турар тыраасса учаастага 7 килэмиэтиртэн ордук уһуннаах. Манна суолу 4 полосалаах гына кэҥэтиэхтээхтэр, аспааллыахтаахтар уонна (кольцевой) эргимтэлээх быһа охсуһуулаах гыныахтаахтар. Маны сэргэ, суолга хаххалары, светофордары, оптуобус тохтобулларын, суолу сырдатыы систиэмэтин уонна тротуардары туруоруохтаахтар.

СӨ Ил Дарханын уонна Бырабыыталыстыбатын пресс-сулууспата сырдатыытыттан

Тарҕат:

Санааҕын суруй

Бүтэһик сонуннар