Бэс ыйын 15 күнүн сарсыарда 8 ч. туругунан, өрөспүүбүлүкэҕэ 21 ойуур баһаара баара биллэр. Олортон 19 баһаар куһаҕан суоллаах-иистээх уонна ыраах тыаны төлөннөөн ырааппыт эбит. Уот сиэбит уопсай иэнэ - 25 179 га. Бу туһунан Саха Өрөспүүбүлүкэтин Экологияҕа министиэристибэтэ иһитиннэрэр.
Билиҥҥи туругунан, Нерюнгри оройуонугар икки тыа баһаарын тохтотууга үлэ бара турар. Уоту умулларыыга Авиалесохрана 19 десантник-парашютиһа туруулаһар.
Ааспыт сууккаҕа тыа баһаарын утары охсуһааччылар бөлөхтөрүн көмөлөрүнэн Уус Майаҕа уонна Ленскэйгэ икки баһаары тохтоттулар.
Санатар буоллахха, бүтүн Саха сирин үрдүнэн баһаары утары ураты эрэсиим олохтоммута. Онон, авиациянан уонна сиринэн тыа пуондатыгар патруллааһын үлэлиир.
«...Баһаар үөскүүр үрдүк куттала баарын иһин, олохтоохтору тыаҕа тахсыыларын уонна уоту туттууга сэрэхтээх буоларгытын ыҥырабыт», - диэн Саха сирин Экологияҕа, айылҕаны туттууга уонна тыа хаһаайыстыбатын миниистирин солбуйааччыта Андрей Коноплев тоһоҕолоон этэн турардаах.
Өскөтүн эһиги тыа баһаарын көрбүт буоллаххытына, ол туһунан эрэгийиэннээҕи диспетчер сулууспатыгар эрийэргит булгуччулаах 8-4112-44-74-76, эбэтэр тыа охранатын быһа лииньийэтигэр эрийиҥ - 8-800-100-94-00
