«РФ үтүөлээх суруналыыһа» судаарыстыбаннай наҕарааданы 2018 сыл от ыйын 19 күнүттэн сырдатар-иһитиннэрэр эйгэҕэ (СМИ) сүүрбэттэн тахса сыл үлэлээбит үтүөлээх суруналыыстарга, эрэдээктэрдэргэ дойду бэрэсидьиэнин ыйааҕынан аныыллар.
Владимир Путин ыйааҕынан «Ситим» медиа-бөлөх генеральнай дириэктэрэ, суруналыыс Владимир Степановка «Арассыыйа үтүөлээх суруналыыһа» үрдүк аат иҥэрилиннэ. Кини Уһук Илиҥҥи регион суруналыыстарыттан бастакынан маннык ааты сүктэ.
Владимир Николаевич Степанов сырдатар-иһитиннэрэр эйгэҕэ үлэтин 1989 cыллаахха «Эдэр коммунист» хаһыакка саҕалаабыта. Кини ол кэмтэн ыла илиитин араарбакка араас хайысхалаах тиэмэлэргэ толкуйдатар ыстатыйалары суруйар, тыҥаан турар кыһалҕалары, мөккүөрдээх түгэннэри сырдатар. Кини бэлиитикэҕэ, экэниэмикэҕэ, устуоруйаҕа киэҥ көрүүлээх суруйууларын бар дьон кэтэһэн, умсугуйан ааҕаллар.
Бииргэ үлэлиир үөлээннээхтэрэ Владимир Николаевич ылсыбыт тиэмэтин олохтоохтук хасыһан, үөрэтэн оҥорор бастыҥ анаарааччы (аналитик), талааннаах суруналыыс диэн сыаналыыллар.
Биһиги ытыктабыллаах салайааччыбытын ис сүрэхпититтэн эҕэрдэлиибит уонна бары үтүөнү баҕарабыт!
«Ситим» медиа-бөлөх үлэһиттэрэ
