Киир

Киир

Айсен Николаев анал байыаннай эпэрээссийэҕэ бэйэлэрэ баҕа өттүнэн кыттыбыт уолаттары кытта көрүстэ. Эдэр эр дьон билигини Санкт-Петербург куоракка байыаннаай киирсии кэмигэр ылбыт эчэйиилэриттэн эмтэнэ сыталлар.

Саха сирин Ил Дархана кинилэргэ дьоруойдуу быһыыларын уонна дойдуга бэриниилээх сыһыаннаахтарын иһин махталын биллэрдэ, түргэнник үтүөрэ охсоллоругар баҕарда: «Алексей уонна Дмитрий, Дойдуну көмүскээччи бары дьон курдук – биһиги өрөспүүбүлүкэбит уонна дойдубут киэн туттуута. Ыччаттар настарыанньалара сэргэх, кинилэр дойдубут биир бастыҥ балыыһатыгар бааллар. Уолаттарбыт өрөспүүбүлүкэбитигэр кэллэхтэринэ, биһиги бэйэбит өттүбүтүттэн кинилэргэ туох баарынан күүс-көмө буолуохпут», - диэн Айсен Николаев көрсүһүү кэнниттэн кэпсээтэ.

Уус Майа оройуонун икки уола Изюм анныгар киирсиигэ эт-хаан эчэйиитин ылбыттара. Билигин бэйэлэрин баҕа өттүнэн байыаннай эпэрээссийэҕэ кыттыбыт уолаттар С.М. Киров аатынан Санкт-Петербургтааҕы Байыаннай-мэдиссиинискэй академияҕа эмтэнэ сыталлар.

 

Тарҕат:

Санааҕын суруй

Бүтэһик сонуннар