Киир

Киир

Аллараа Халыма оройуонугар табаһыт сүппүт.

«Иним сүппүтэ ыраатта - ыам ыйын 31 күнүгэр. Икки нэдиэлэ ааста даҕаны, кинини кыайан була иликтэр», - диэн сүппүт киһи бииргэ төрөөбүтэ Марианна Васильева (Егорова) айманар.

«Сүппүт киһи мин бииргэ төрөөбүтүм - Валерий Егоров. Кулун тутарга «Турваургин» общинаҕа (с. Колымское) табаһытынан үлэлии киирбитэ. Кэргэнэ этэринэн, кини табаһыттыырга саҥа үөрэнэ сылдьыбыт уонна туундараҕа сылдьарга улахан уопута суох, онон, кыра даҕаны сиргэ түргэнник сүтэн хаалыан сөп этэ. Ыам ыйын 31 күнүгэр кини дьоһуурунайдыы барбыта уонна кэлбэтэҕэ. Сүтэр күнүгэр саата да, быһаҕа да суох этэ. Ол кэнниттэн икки нэдиэлэ ааста, олохтоох дьон күүһүнэн тэриллибит көрдөөһүн үлэтэ сотору бүтэрэ буолуо диэн кэргэнэ куттанар», - диэн Марианна суруйар.

Бэс ыйын 7 күнүгэр, табаһыттар тохтобулларыгар уматыгы, аһы-үөлү илдьибит Халыматааҕы көрдүүр-быыһыыр этэрээт бөртөлүөтэ ыҥырыллыбыта, чугас эргин көтөн көрбүтэ даҕаны, тугу даҕаны булбатаҕа. Ол кэнниттэн 7 хонук буолан баран, эр киһи сүппүт сиригэр олохтоох дьонтон хомуллубут иккис көрдүүр бөлөх тиийэ сырыппыта. Кинилэр тиэхиникэни, пилота суох дрону илдьибиттэрэ.

Нэһилигэ баһылыга этэринэн, бүгүҥҥү туругунан сүппүт киһини 10 киһи, 4 тиэхиникэ (2 буран уонна 2 вездеход) көрдүүр. Дьокуускайга баар аймахтара бэс ыйн 15 күнүгэр СӨ Быыһыыр сулууспатыгар көрдүүргэ иккистээн сайаапка биэрбиттэрэ.

«Салгыы хантан көрдөһөбүт? Арктикаҕа олоруон, табаһыт буолуон баҕарбыт киһини хаһан сөптөөхтүк көрдүүбүт?» - диэн аймахтара ыйыталаһаллар.

Тарҕат:

Санааҕын суруй