Хотугу Кэриэйэҕэ Тас дьыалаларга министиэристибэ салайааччытынан 58 саастаах Чхве Сон Хуэй диэн дьахтар анаммыт.
Чхве Сон Хуэй – Хотугу Кэриэйэ биллиилээх бэлитиичэскэй уонна судаарыстыбаннай диэйэтэл, 2010-2013 сылларга дойду миниистирдэрин сэбиэтигэр бэрэссэдээтэллээбит Чхве Ён Рим төрөппүт кыыһа эбит. Хотун дьахтар аата-суола инньэ ааспыт үйэ 90-с сылларыттан иһиллэр.
2018 сыллаахха Сингапурга буолбут саммикка, сыл буолан баран Ханоэтааҕы көрсүһүүгэ Ким Чен Ыны арыаллаабыта ахтыллар. Кинини олус тыҥааһыннаах кэмҥэ ананна дииллэр. КНДР сыл саҕаланыаҕыттан 15 аракыатаны, ол иһигэр баллистическайы, ыппытын иһиттэххит.
Хотугу Кэриэйэ уочараттаах, кэнники биэс сыл иһигэр сэттис ядернай боруобалааһыны ыыппыта суруллар.
