Киир

Киир

Арассыыйаҕа ыстаал уонна тимир прокат (тимир көрүҥэ) сыаната сыл саҕаланыаҕыттан 40% чэпчээбит.

Сыана түһүүтэ тимиргэ наадыйыы аҕыйаабытыттан уонна дуолларга сыһыаннаан солкуобай бөҕөргөөбүтүттэн сэдиптэнэрин “Ведомости” хаһыат суруйар. Холобур, 1 туонна арматуура 41 % түһэн, 41 солк. 163 солк. буолбут. Ыстаал сыаната экспорт паритетыгар тэҥнэспит. О.э. тас дойдутааҕы улахан атыы былаһааккатыгар баар сыана саҕа буолбут. Куһаҕана, билиҥҥи солкуобай кууруһунан экспорка таһаарыы барыһа суох. Ону тэҥэ ис ырыынакка наадыйыы 10 % кыччыыра сабаҕаланар диэбиттэр.

“Русская сталь” ассоциация муус устарга вице-премьер Андрей Белоусов аатыгар тимир салаата экспорка да, дойду иһигэр да атыылыырга наадыйыы аҕыйаан, уустук балаһыанньаламмытын биллэрбитин санаппыттар. Онно кинилэр бородууксуйаларыгар наадыйыы 2022 сыл түмүгэр 30% түһэр (13 мөл. туоннанан) чинчилээҕин ыйбыттар.

Тарҕат:

Санааҕын суруй