Алмаастаах куорат Үрүҥ тунах ыһыаҕа «Олоҥхо дойдута” айылҕа - этнография тиһигэр, Чуоналыыр күөлүн кытылыгар буолуоҕа диэн мээрийэ култуураҕа салаатын сүрүннээччитэ Айыы Куота Степанова «Кыым.ру» Мииринэйдээҕи кэрэспэндьиэнигэр иһитиннэрдэ.
Ыhыах ыытыллар күнүгэр куорат библиотекатын тохтобулуттан оптуобус Чуоналыырга сылдьыаҕа. Сыаната – босхо.
Тунах ыhыах, былыр-былыргыттан ыытыллар үгэһэ тулхадыйбат. Yрдүкү Айыыларга сүгүрүйүү туома буолуоҕа. Саха норуотун сүҥкэн улуу туомугар Дьокуускайтан култуура колледжын устудьуоннара кыттыыны ылыахтара. Алгыс, арчылааһын сиэрин-туомун кэнниттэн, үгэс буоларын курдук, оройуон уонна куорат салайааччылара түhүлгэ дьонун эҕэрдэлиэхтэрэ. Олохтоох талааннар күүстэринэн кэнсиэр ыытыллыаҕа.
Быйылгы ыһыахха саха эстрадатын эдэр «сулустара» - Кирилл Матвеев уонна Айта Седалищева ыҥырыллыбыттар. Ыһыах кэмигэр «Аллея мастеров» уус-уран быыстапка үлэлиэҕэ. Бырааһынньык чаҕылхай түгэнинэн «Эр бэрдэ» диэн ааттаах олохтоох мадьынылар күрэстэрэ буолуоҕа. Манна мас тардыһыытыгар, хапсаҕайга, ыараханы көтөҕүүгэ күрэхтэһиилэр киирэллэр.
Дьэ, аны ыһыахпыт өрөгөйө - оһуохай. Уhун кыhыны-сааhы быhа муунтуйбут дьон дьэ үөрүөхтэрэ-көтүөхтэрэ. Ити курдук, субуота күн Чуоналыыр күөл кытылыгар буолуохтаах тунах ыhыах ыалдьытымсах «аанын тэлэччи аһыаҕа». Кэлиҥ, сылдьыҥ ыалдьыттааҥ!
Станислав Алексеев. Мииринэй куората.
Чуоналыырга буолбут урукку ыһыахтартан хаартыскалар.