Ортотунан барыта 6 бырыһыан үрдүөҕэ, ол иһигэр 2,4 бырыаһынан араастаһыы баар буолуон сөп. Ол аата, төлөбүр сыаната 6 бырыһыантан кырата суох уларыйыахтаах, сорох өҥөҕө улааппыта 8,4 бырыһыаҥҥа тиийиэхтээх.
Сыана маннык ыарыыр:
- ититии – 6%;
- ититии систиэмэтиттэн кэлэр сылаас уу – 6%;
- аһаҕас ньыманан кэлэр сылаас уу (теплоноситель) – 10%;
- тымныы уу – 7,2%;
- ууну сүүрдүү – 5,5%;
- уотунан ититии – 7%;
- уотунан сылытыы – 6%;
- кытаанах бөҕү тиэйии – 3,4%;
- кытаанах уматык – 2,6%.
Тарыыптары өҥөнү оҥорооччулар олохтууллар. Саха сирин олохтооторугар барыларыгар хомунаалынай өҥөҕө кэккэ чэпчэтии көрүллэр. Дохуот 15 бырыһыаныттан элбэх төлөбүргэ барар буоллаҕына, субсидияны туһаныахха сөп.