ХИФУ иһинэн аһыллыбыт Байыаннай үөрэтии киин бастакы устудьуоннарын көрсөргө бэлэмнэнэр. Саҥа үөрэх дьылыгар манна байыаннай бэлэмнэниини ааһа 108 ыччат кэлиэҕэ.
«ХИФУ байыаннай хаапыдырата сабыллыаҕыттан устудьуоннар бастакы байыаннай бэлэмниини ааһар кыахтара суох буолбута. Аны кинилэргэ маннык кыах баар буолла. Байыаннай үөрэтии киинин ситиһилээхтик бүтэрбит устудьуоннар эбии байыаннай идэ, чыын ылыахтара уонна байыаннай сулууспаҕа ыҥырыынан барыыттан босхолонон, саппаас ахсааныгар киириэхтэрэ», – диэн Өрөспүүбүлүкэ премьера Андрей Тарасенко эппит.
Байыаннай кииҥҥэ үөрэниигэ үөрэтиигэ бакалавриат уонна специалитет хайысхатын устудьуоннарын сүүмэрдииллэр. Байыаннай бэлэмнэнии болдьоҕо – 2 сыл.
Билигин сааскы ыҥырыыны кытта тэҥҥэ бастакы сүүмэрдээһин буола турар. От ыйын ортотугар диэри устудьуоннары военкомат хамыыһыйата доруобуйа, идэҕэ сөп түбэһии, уйулҕа өттүнэн сыаналыа. Ол кэннэ кинилэри эт-хаан өттүнэн норматив тутан тургутуохтара уонна хайдах үөрэнэллэрин учуоттуохтара.
Санатан эттэххэ, Өрөспүүбүлүкэ ХИФУ иһинэн байыаннай үөрэтии киинин арыйар туһунан этиитин РФ оборонаҕа миниистирэ Сергей Шойгу өйөөбүтэ.
Сонун төрдө: CӨ Бырабыыталыстыбатын уонна Ил Дарханын пресс-сулууспата
Сэҥээриилэр