Киир

Киир

Кэбээйи оройуонугар сүппүт АН-2 сөмөлүөтү көрдөөһүҥҥэ Арассыыйа Ыксаллаах быһыыга-майгыга Министиэристибэтин МИ-8 бөртөлүөтэ турунна. Быыһааччы дьону анал тэрилинэн, альпинист снаряжениетынан хааччыйбыттар. Бу туһунан Арассыыйа Федерациятын Ыксаллаах быһыыга-майгыга Министиэристибэтин пресс-сулууспата иһитиннэрэр.

Көрдүүр үлэ ыытыллар сиригэр-уотугар халлаан туруга соччото суох, намыһах былыттаах, онон, хойуу туман уонна үрдүк хайалар көрдүүр үлэни уустугурдаллар.

Маны сэргэ, тахсыбыт сөмөлүөт саахалын биричиинэтин быһаарарга биэдимистибэлэр икки ардыларынааҕы авиационнай хамыыһыйа үлэтин салҕыыр.

Санатар буоллахха, бэс ыйын 21 күнүгэр АН-2 сөмөлүөт анаммыт сиригэр, «Вертикальный» былаһааккаҕа көтөн кэлбэтэҕэ. Сөмөлүөт Дьокуускай бириэмэтинэн сарсыарда 06.30 ч. Үс-Хатыҥ (Дьокуускай)-Вертикальный (Кэбээйи оройуона)-Үс Хатыҥ маршрутунан көппүтэ. Сарсыарда 09.00 ч. көтөр аал «Вертикальный» площадкаҕа көтөн кэлиэхтээх этэ. Ол эрээри, анаммыт бириэмэтигэр сөмөлүөт кэлбэтэҕэ уонна радардартан сүтэн хаалбыта. Эрдэ этиллибит дааннайдарынан, көтөр аал буортугар 3 киһи – 2 экипаж чилиэнэ, 1 пассажир уонна 1 тонна груз баар эбит.  

 

Тарҕат:

Санааҕын суруй