Киир

Киир

Төрдүс төгүлүн ыытыллар “Олоҥхо дойдутугар ЮНЕСКО шедеврдэрин көрсүһүүлэрэ” норуоттар икки ардыларынааҕы бэстибээл иитинэн “Сохранение и популяризация этнокультурного наследия: традиции и современность” диэн симпозиум буолан ааста.

Онно 7 тас дойдуттан уонна 7 эрэгийиэнтэн учуонайдар, чинчийээччилэр мустан норуоттар култуураларын үйэлээх баайын хайдах харыстыыр тула дьүүллэстилэр. Симпозиум кыттыыллаахтарын Ил Дархан Айсен Николаев эҕэрдэлээтэ.

Кини саха олоҥхотун уонна олоҥхоһуттары салгыы сайыннарарга матырыйаалынай базаны бөҕөргөтөр уолдьаспытын бэлиэтээтэ. Онуоха сыл ахсын өрөспүүбүлүкэ бүддьүөтүттэн Олоҥхо дьиэлэрин сайыннарыыга 50 мөл. солк. кырата суох үп тыырыллар буолуоҕун эттэ. Маны таһынан ийэ олоҥхоһуттарга уонна норуот маастардарыгар ый ахсын 30 тыһ. солк. истипиэндьийэ олохтонорун, 2027 сылга диэри Олоҥхо Дьиэлэрэ бары Арктикатааҕы эпостар уонна ускуустуба киинин кынатын анныгар киирэн түмүллэллэрин эттэ.

Тарҕат:

Санааҕын суруй