Киир

Киир

Саха сирин Ил Дархана Айсен Николаев 2022 сылы Ийэ сылынан биллэрбитэ. Кини Ил Түмэҥҥэ туһаайыытыгар ийэлэр олохторуттан бүтүн уопсастыба олоҕо тутулуктаах диэн эппитэ уонна ийэлэргэ улахан болҕомтону уурарга ыҥырбыта.  

Манан сибээстээн, СӨ Инновацияҕа, сыыппара сайдыытыгар уонна инфокоммуникация технологияларыгар министиэристибэтэ уонна «Утум» (Наследие) өрөспүүбүлүкэтээҕи уопсастыбаннай тэрилтэ Бэрэсидьиэн граннарын пуондатын өйөбүлүнэн эдэр суруналыыстарга Бүтүн Арассыыйатааҕы "Призвание – Мама" диэн куонкурус биллэрэр. Куонкурус эдэр суруналыыстары көҕүлүүр, саҥа ааттары киэҥ эйгэҕэ таһаарар уонна ийэлэр кыһалҕаларыгар уопсастыба болҕомтотун тардар соруктаах.

Куонкурус Арассыыйа регионнарын сырдатар-иһитиннэрэр эйгэлэрин салайааччыларын альянса (АРС-Пресс) кыттыылаах Бүтүн Арассыыйатааҕы суруналыыстар «Золотой Гонг» куонкурустарын чэрчитинэн ыытыллар. Ол түмүгүнэн "Призвание – Мама" диэн тиэмэнэн бастыҥ суруйууну таһаарбыт суруналыыска анал аат иҥэриллиэҕэ. Кыайыылаахтар ааттарын сэтинньи 22 күнүгэр биллэриэхтэрэ.

Тэрийээччилэр суруйар дьоҕурдаах ыччаты, эдэр суруналыыстары, устудьуоннары, куонкуруска көхтөөхтүк кыттыҥ, Ийэ сылыгар ийэлэри сырдатыыга тус кылааккытын киллэриҥ диэн ыҥыраллар.

Куонкурус балаһыанньатын «АРС-Пресс» альянс https://arspress.ru/ саайтыгар, «Ил Түмэн» бэчээт дьиэтин https://www.sakhaparliament.ru/ саайтыгар уонна https://t.me/prizvaniemama телеграм-ханаалга киирэн билсиэххэ сөп.

Тарҕат:

Санааҕын суруй

Бүтэһик сонуннар