Киир

Киир

Өлөөн оройуонугар кытаанахтык көтөн түспүт АН-30 сөмөлүөт бородууктаны тиэйиигэ кэмиэрчэскэй дуогабарынан рейс оҥорбут. Биллэринэн, бу көтөр аал Саха сиригэр «сымыйа» ардахтары аҕаларга үлэлэһэр этэ. Сөмөлүөтү бас билээччи - «Регион  98» «Якутоптторг» тэрилтэлиин дуогабар түһэрсэн көппүт.

«Якутоптторг» АУо генеральнай дириэктэрин солбуйааччы Сайдам Иванов иһитиннэрбитинэн, «Якутоптторг» уонна «Регион 98» тэрилтэлэр икки ардыларыгар 6 рейси оҥорорго дуогабар олохтоммут. Бу – Дьокуускай-Өлөөн маршрутунан үһүс көтүү. Борт 6 туоннаттан тахса бородууктаны таспыт: хортуосканы, луугу, сымыыттары уонна фрукталары. Эрдэ, бэс ыйын 17 күнүгэр - Батаҕайга, бэс ыйын 18 күнүгэр - Зырянкаҕа көтө сылдьыбыт. Көтөр аал, онуоха, метеоборудованиета суох эбит. «Веер» диэн тэрилэ толору үлэлиир уонна атын даҕаны сөмөлүөттэргэ туттуллуон сөп эбит.

«Биһиги тэрилтэбит, дуогабар быһыытынан, «Регион 98» тэрилтэлиин үлэлэспитэ. «Веер» диэн ардаҕы ыҥырар тэрил Дьокуускай куорат аэропуордугар турар. Ол – толору үлэлиир кыахтаах уонна үлэҕэ туттулларга бэлэм. АН-26 сөмөлүөттэргэ туттуллуон сөп. Билигин итинтикпитин салгыы туттарбыт туһунан боппуруос быһаарылла сылдьар», - диэн Баграт Данелян быһаарар.

Санатар буоллахха, өрөспүүбүлүкэҕэ «Циклон» диэн АН-26 сөмөлүөт баар. Ол көтөр аал «сымыйа» ардахтары ыҥырыыга үлэтин салгыы толоруоҕа. СӨ Доруобуйаҕа харыстабылын Министиэристибэтэ иһитиннэрбитинэн, кытаанахтык кэлэн түспүт АН-30 сөмөлүөкэ олорсон испит 5 киһиэхэ амбулаторнай эмтэнии анаммыт, икки эчэйбит киһини санрейсынан Дьокуускайга тиэрдибиттэр. Бары толору эмтэниинин ааһа сылдьаллар.

Тарҕат:

Санааҕын суруй