Киир

Киир

Дойду-дойду аайы ыһыахтар ыытыллан, дьон-норуот сэргэхсийдэ, сүрэҕэ манньыйда, санаата күүһүрдэ. Кырдьыга да солко күөҕүнэн симэммит, дьэрэкээн сибэкки ойуулаах үтүө да кэмнэр үүнэн тураллар.

Оттон Мииринэй оройуонун Таас-Үрэх сэлиэнньэтигэр Саха АССР тэриллибитэ сүүс сылыгар анаммыт ыһыах от ыйын 2 күнүгэр ыытыллыаҕа.

“Ботуобуйа” нэһилиэгэр ыытыллар ыһыах үгэс курдук олохтоох пааркаҕа ыытыллара былааннаммыт. Саха былыргы үгэһинэн ыһыаҕы күүгэннээх кымыһынан, алгыс тыллаах кылыһахтаах тойугунан көрсүөхтэрэ. Аал уоттарын маанылыахтара, Үрдүкү Айыылартан көмүскэс буолалларыгар көрдөһүөхтэрэ. Бу күн сэлиэнньэ түөлбэлэрэ бастыҥ ураһа, хорчуоппа, сахалыы таҥас, киэргэл курдук көрүҥнэргэ күөн былдьаһыахтара.

Ыһыахха быыппастар былчыҥнаахтар, тоҥ иҥиирдээхтэр күрэстэрэ – биир саамай күүтүүлээх түгэн. Оттон бырааһынньык чаҕылхай көстүүтүнэн эргэ аэропуорт оннугар оҥоһуллубут ипподромҥа ат сүүрдүүтэ буолуоҕа. Тэрээһин - араас. Бырааһынньык баай ис хоһоонноох. Ол курдук, пааркаҕа сахалыы таҥаска уонна муодаҕа кэрэ куолар күрэхтэһиилэрэ интэриэһи үөскэтэр кэриҥнээх.

Ити курдук, Саха сирин муҥутуур уһугар, тус арҕаа сытар, гаас-ньиэп бырамыысаланнастаах соҕотох саха нэһилиэгэ Үрүҥ Тунах ыһыаҕы ньиргиччи бэлиэтииргэ бэлэмнэнэр.

Таас Үрэх ырыа куттаах далбар хотуттараТаас Үрэх ыччатаТаас Үрэх сэлиэнньэтэЫһыаҕы бары күүтэллэр

Станислав Алексеев. Мииринэй куората.

Тарҕат:

Санааҕын суруй

Бүтэһик сонуннар