Киир

Киир

Сахабыт сиригэр дьон олоҕун чэпчэтэр, туругун тупсарар элбэх научнай арыйыыны, үлэни оҥорбут, патеннаабыт учуонайдары Анатолий уонна Диана Чомчоевтары үгүспүт билэр уонна ытыктыыр. 

Маны сэргэ, Чомчоевтар, науканан эрэ буолбакка, Саха сирин экологиятын харыстааһыҥҥа, дьон доруобуйатын тупсарыыга, саха култууратын уонна устуоруйатын чахчыларын тарҕатыыга күннэтэ утумнаах үлэни ыыталлар.  

Онуоха Анатолий Игнатьевич бүтүн Арассыыйа экономикатыгар туһалаах уонна хоту сир олохтоохторун абырыыр аналлаах дьоҕус атомная станциятын бырайыага күн бүгүнүгэр диэри судаарыстыба өйөбүлүн ылбакка турар.

Хомойуох иһин, бу саас Чомчоевтар уу нуурал олохторугар соһуччу суудайыы тахсыбытын бары кэриэтэ билэҕит. Онно Анатолий Игнатьевич, хара санаалаахтары суос-соҕотоҕун уодьуганнаан,  дьиҥнээх дьоруойдуу быһыыны оҥорбута. Ол иэдээннээх күнтэн бар дьон кинини, учуонай эрэ быһыытынан буолбакка, улахан бэлэмнээх байыаннай, Чернобыль саахалын туоратыы бэтэрээнин быһыытынан билбитэ уонна өссө күүскэ ытыктаабыта. Кини аттыгар норуот уонна уопсастыбаннас түмсүбүтэ. Анатолий Игнатьевич ити быһылаан кэннэ, улахан охсууну ыллым диэбэккэ, идэтинэн, салгыы бар дьонугар туһалаан, билиитин-көрүүтүн тарҕатан барбыта. 

афиша 2 1

От ыйын 12 күнүгэр киэһэ 18.00 чаастан Саха сирин уопсастыбаннаһа «Анатолий Игнатьевич курдук ытык киһибитин, саха туруга-олоҕо тупсарын-сайдарын туһугар кыахтарын-сыраларын аныыр Чомчоевтар дьиэ кэргэттэрин өйөөбөтөхпүтүнэ сатаммат” диэн санааттан «Ким доҕордоох – ол дьоллоох» диэн өйөбүл аахсыйа-кэнсиэр тэрийэн ыытар. Өйөбүл кэнсиэртэн киирбит үп Анатолий Чомчоев доруобуйатын чөлүгэр түһэриигэ, кини кэргэнин Диана Чомчоеваны кытта тэрийэн үлэлэтэр научнай полигоннарын сэргэхситиигэ туһуланар.

Буолар сирэ: Дьокуускай к., Дзержинскэй уул. 13 №-дээх дьиэтэ, А.Е. Кулаковскай аатынан Норуоттар доҕордоһууларын дьиэтэ

Билиэт Өксөкүлээх Өлөксөй киинигэр, Бэчээт дьиэтин 111-с хоһугар, «Горпечать» киоскаларыгар атыыланар.

Сыаната - 500 солк.

Билсэр төл.: 8 (914) 820 09 75

  

  

 

 

 

Тарҕат:

Санааҕын суруй