СӨ оперативнай ыстааба иһитиннэрбитинэн, от ыйын 11күнүгэр түөртүүр саҕана дамбаны бөҕөргөтүү барбытын үрдүнэн, халаан уута тоҕо көтөн Адыаччы өрүс кытылыгар турар Бөтөҥкөс сэлиэнньэтэ бүтүннүү ууга барбыт.
Уу 166 тиэргэни, 36 олорор дьиэни ылбыт. Маны таһынан, социальнай суолталаах уонна да атын тутууларга улахан хоромньу тахсыбыт. Улуус киинин кытта ситим быстыбыт. Сэлиэнньэ иһигэр моторканан эрэ сырыы баар.
Быстах кэмҥэ олорор пууҥҥа 12 киһини, ол иһигэр 5 оҕону, көһөрбүттэр. 72 киһи, ол иһигэр 22 оҕо, аймахтарыгар көспүттэр. Олохтоох дьаһалта, халаан туһунан эрдэ сэрэппит буолан, дьон сыаналаах малын, тэрилин син быыһыы сатаабыт.
