ЦДОД (Центр дополнительного образования детей) саҥа уораҕайыгар - Оҕо саас дыбарыаһыгар (Дворец детства) биэс этээстээх, сүрдээх киэҥ-куоҥ, улахан таас дьиэни тута сылдьаллар. Тутууну 2022 сыл төрдүс кыбаарталыгар бүтэрэн, үлэҕэ киллэрэр соруктаахтар.
Оройуон уонна куорат салайааччылара, соторутааҕыта эбийиэккэ сылдьан баран, биир түмүккэ кэллилэр - тутуу тэтимэ түргэтиэхтээх диэн. Маннык тэтиминэн бардаҕына, турбут сорук туолбатыгар, тутуу бүппэтигэр тиийэр.
Тутуу сакаасчытынан Мииринэй оруойуоннааҕы хомунаалынай-тутар управлениета буолар. Бэдэрээччит - Москуба «Техресурс» тэрилтэтэ. Эбийиэги «АЛРОСА» хампаанньа үбүлүүр буолан, тутааччыларга ирдэбил күүстээх. Онон тутуллар дьиэҕэ туруу-олоруу суох. Сайыҥҥы ыйдарга бэдэрээччит туох да өрөбүлэ суох эбийиэги дьэндэтэ сылдьар.
Станислав Алексеев. Мииринэй куората. Ааптар түһэриитэ.
