Киир

Киир

Таалай күөл кытылын тупсаран оҥоруу «Дьиэ-уот уонна куорат эйгэтэ» национальнай бырайыак «Куорат табыгастаах эйгэтэ» (Комфортная городская среда) региональнай бырайыагын чэрчитинэн ыытыллыбыта. Билигин бу сиргэ элбэх ыччат, дьиэ кэргэн сөбүлээн сынньанар.

От ыйын 23 күнүгэр манна аан бастакы куораттааҕы «LETO на Талом» бэстибээл буолуоҕа. Кэлбит дьоҥҥо тыыннаах муусука, DJ-сет, босхо маастар-кылаастар, чэгиэн аһы оҥорон таһаарааччылар, илии оҥоһугун сөбүлээччилэр, сибэкки үүннэрэччилэр маркетплейстарын тэрийиэхтэрэ, Кыттааччыларга “Пространство” устуудьуйа хаартыска сиэссийэтин оҥоруо.  

Бэстибээл бүтүүтэ киин куораты,  аттыннааҕы күөллэри уонна ханааллары хайдах табыгастаах оҥорор туһунан аһаҕас кэпсэтии буолуоҕа. Бэстибээл тэрийээччитинэн Култуура уонна сынньалаҥ паарката, JOY сибэкки мастарыскыайа уонна ОлонхоФест буолаллар. Оттон Таалай күөл кытылыгар тэрээһиннэри ыытыыны Саха сирин архитектуратын уонна куорат тутуутун салайар управление, «LETO» куорат эйгэтин сүрүннүүр компетенциялар кииннэрэ көҕүлээбит.  

Тарҕат:

Санааҕын суруй