Киир

Киир

РФ Госдууматын Дьиэ кэргэн, дьахтар уонна оҕо боппуруостарыгар кэмитиэтин бэрэссэдээтэлэ Нина Останина салайааччылаах дьокутааттар бөлөхтөрө ыал буолуу үгэһин алдьатар сексуальнай хайысхалары киэҥ эйгэҕэ сырдатыыны уонна тарҕатыыны бобор туһунан сокуон бырайыагын киллэрдилэр.  Бу докумуоҥҥа этиллэринэн, итинник ис хоһоонноох таһаарыылары бобуулаах ситимнэр реестрдэригэр киллэриэхтэрин сөп.

Дьокутааттар өссө киинэ индустриятын сокуонугар ыал буолуу үгэһин алдьатар сексуальнай хайысхалары тутуһууга ыҥырар киинэлэри тыйаатырдарга көрдөрүүнү уонна сонуну киэҥник тарҕатар эйгэлэргэ таһаарыыны  бобор эбии киллэриини туруорсаллар.

Докумуон быһаарар суругар ааптардар Арассыыйаҕа суицидка, наркотикка, экстремизмҥа уонна буруйу оҥорууга ыҥырыы бобуллар диэн санаталлар.   Бу сокуону оҥорооччулар «Ыал буолууну сыаннас быһыытынан утарыы, оҕото суох олоххо ыҥырыы (чайлдфри) уонна үгэһи алдьатар сексуальнай хайысхаларга угуйуу уопсастыбаҕа онтон итэҕэһэ суох кутталлаах» диэн санаанан салайтараллар.

Онуоха кинилэр саҥа сокуон киһи сексуальнай хайысханы бэйэтэ талар быраабын күөмчүлээбэт, арай ону аһаҕастык көрдөрүүнү, оннукка дьону ыҥырыыны бобор диэн тоһоҕолоон этэллэр. Маны сэргэ, сокуон «однополай» ыал буолууну бобор соруктаах.  

Сонун төрдө: Парламент хаһыата

Тарҕат:

Санааҕын суруй