Киир

Киир

Анал байыаннай эпэрээссийэҕэ баҕа өттүнэн кыттыыга «Боотур» этэрээт тэрилиннэ. Хамандыырынан этэрээти хомуйууга улахан үлэни ыыппыт Александр Колесов буолар.

«Этэрээт байыастара бары аармыйаҕа сулууспалаабыт дьон буолаллар. Онон, байыаннай дьыалаҕа уопуттаахтар. Тус бэйэм 1992 сылтан байыаннай дьайыылар буолар сирдэригэр иккитэ баран кэлбитим. Бу үһүс барыым буолар. Биһиги бары Аҕа дойдубутун көмүскүүр баҕа санаалаахпыт уонна кыахтаахпыт. Эдэр байыастарга көмө ирдэнэр», — диэн хамандыыр Колесов бигэ санаатын үллэһиннэ.

ed6627f3 2c61 46cf 9888 93b93bbbd73a

Барааччылар ортолоругар Өлөөн оройуоннааҕы киин балыыһатын сүрүн бырааһа Назар Петров уонна ортопед-травматолог, айааччы-учуонай Сергей Васильев бааллар. «Сергей Петрович биһикки киэҥ хайысхалаах быраастар буоларбыт быһыытынан, бэйэбит батальоннарбытыгар уонна олохтоохторго улахан көмө буолуохпут дии саныыбын », — диэн Назар Петров туох сыаллаах-соруктаах баран эрэрин билиһиннэрдэ.

197903ee 80a2 46e9 8f79 e08679549dec

Субу кэмҥэ саппаас старшай лейтенана Андрей Исаков этэрээтин уон биир байыаһа сүтүгэ суох төннөн кэлбиттэр. «Этэрээппит 108-с парашютнай-десантнай полк састаабыгар Николаевскай туһаайыытынан буола турар дьайыыларга кыттан кэллэ. Биир байыас бааһыран эрдэ кэлбитэ. Саҥа барар уолаттарга бииргэ тутуһан сылдьыҥ диэн сүбэлиибин. Сүрүнэ, бойобуой сорудаҕы этэҥҥэ толорон тыыннаах эргиллэллэригэр баҕарабын», — диэн Андрей Исаков саҥа барааччылары алҕыы хаалла.

db3ce992 ca04 4748 bc8f 9e5c3c488822

Бу күн Ил Дархан Айсен Николаев боотурдары кытта өрөспүүбүлүкэтээҕи хомуур пуунугар көрүстэ, сүр көтөҕөр үтүө тыллары эттэ, наҕараадалары туттарда.

Хаартыска: Мария Васильева (ЯСИА)

Тарҕат:

Санааҕын суруй

Бүтэһик сонуннар