Ааспыт суукка иһигэр, Саха сиригэр 104 киһи саҥа хоруона вируһунан сутулунна. Балартан 102 ыалдьааччы балыыһаҕа киирдэ. Бу туһунан өрөспүүбүлүкэтээҕи суһал ыстаап киинэ иһитиннэрэр.
От ыйын 29 күнүнээҕи туругунан, саҥа хоруона вируһунан ыалдьааччы дьон ахсаана:
— Дьокуускай куорат – 56 ;
— Мииринэй оройуона – 8;
— Үөһээ Бүлүү оройуона – 7;
— Таатта улууһа – 5;
— Нерюнгри, Уус-Алдан оройуоннара – 4-түү;
— Мэҥэ-Хаҥалас, Хаҥалас оройуоннара – 3-түү;
— Бүлүү, Ленскэй оройуоннара – 2-лии.
- Алдан, Амма, Анаабыр, Үөһээ Халыма, Үөһээ Дьааҥы, Горнай, Кэбээйи, Нам, Орто Халыма, Сунтаар улуустара – 1-дии.
Уопсай ыалдьааччылар ахсааннарыттан стационарга эмтэнэр дьон 11,43% ылар. Быһыыны ылбатах дьон ыараханнык ыалдьыбыттара бэлиэтэммит. Суукка иһигэр 64 киһи үтүөрбүт. Ыарыы түргэнник дьайыан сөптөөх дьон бөлөҕөр, ол эбэтэр кырдьаҕастарга уонна дьарҕа ыарыылаахтарга уопсастыбаннай сирдэргэ маасканы кэтэллэрин сүбэлииллэр.
Саха сирин Роспотребнадзора эрдэ иһитиннэрэн ааспытын курдук, саҥа хоруона вируһунан сутуллуу таһыма үрдээбитин төрүөтүнэн омикрон-штамм тарҕаныыта буолар.
