Арыылаахха баһаартан эмсэҕэлээбиттэргэ АЛРОСА көмө оҥоруоҕа

От ыйын 28 күнүгэр Арыылаахха тыа баһаарыттан эмсэҕэлээбит олохтоохторго АЛРОСА материальнай көмө оҥоруоҕа. Бу туһунан хампаанньа генеральнай дириэктэрэ Сергей Иванов иһитиннэрдэ. «Дьолго, суһал миэрэлэр көмөлөрүнэн сиэртибэ тахсыыта буолбата. Ол эрээри, хас даҕаны дьиэ уонна хаһаайыстыбаннай тутуу уоттан эмсэҕэлээтэ. АЛРОСА өйөбүл буолан, туох наадатынан көмө оҥоруоҕа. Оросхуот төһө буолбутун көрөн, көмө кээмэйэ быһаарыллыа», - диэн АЛРОСА генеральнай дириэктэрэ этэр. Санатар буоллахха, от ыйын 28 күнүгэр, чэппиэргэ, 1500 киһи олорор Арыылаах нэһилиэгэр буолбут тыа баһаарыттан икки олорор дьиэ уонна даача уокка былдьаммыттара. Баһаарынайдар, көмө сулууспата, баҕа өттһүнэн көмөлөһөөччүлэр уонна АЛРОСА түргэн туттунууларыттан баһаар салгыы тарҕаныыта тохтотуллубута. Уоту умулларыыга АЛРОСА водовозтары, олохтоохтору уонна «Орленок» оҕо чэбдигирдэр лааҕырыттан оҕолору тиэйиигэ оптуобустары биэрбитэ. Маны сэргэ, баһаары умулларыыга АЛРОСА авиахампаанньа МИ-8 бөртөлүөтэ кыттыспыта.

Тарҕат: