Сахаэнерго Саха сирин суруналыыстарын сойууһун кытта Уус Майда улууһун энерго-эбийиэктэригэр пресс-тур олохтоото. Бу айан чэрчитинэн, суруналыыстар энергетиктар үлэлэрин уонна нэһилиэктэр олохторун-дьаһахтарын кытта билсистилэр. Уус Майда оройуонугар диэри пресс-тур кыттыылаахтара внедорожник массыынанан тиийдилэр уонна паромунан Өлүөнэ, Амма уонна Алдан өрүстэрин туораатылар. Салгыы, суруналыыстар мотуорканан Троицкай нэһилиэгэр кэллилэр. Манна биир улахан хапытаалынай өрөмүөн түмүктэммит эбит.
«Биһиги дизель-генератордары барытын саҥартыбыт. ДЭС дьиэтин уонна сирин-уотун саҥардан оҥордубут, үлэһиттэр уонна тэрилтэлэр бэдэрээччиктэрин кытта ититии систиэмэтин монтаһын оҥордубут. Маны сэргэ, видеонан кэтээн көрөөһүн уонна баһаарынай харабыл сигнализациятын оҥордубут. Бүгүҥҥү туругунан, ГСМ саҥа ыскылаатын тутуута саҕаланна. Өрөмүөн үлэтигэр икки сыл иһигэр 100% сэлиэнньэҕэ тиийэр бары опуоралар уонна электропередача лииньийэлэрэ саҥардылыннылар», - диэн үлэ түмүгүн туһунан ДЭС маастара Владислав Шепелёв кэпсээтэ.
Энергетиктэр сүрүн ситиһиилэрэ – «Петропавловск-Троицк» 10 Кв күүстээх электропередача лииньийэтин быстах туттууттан босхолонуу. Бу маннык элэктэриичистибэ эньиэргийэтин туттуу ыраах нэһилиэккэ кыһыҥҥы кэмҥэ үлэһиттэргэ кырата суох кыһалҕалары үөскэтэр этэ уонна өҥөнү оҥоруу хаачыстыбатыгар соччото суохтук дьайар этэ.
«Биһиги электростанциябыт хапытаалынай өрөмүөнүн кэнниттэн олохтоох дьон-сэргэ үчүгэй өттүгэр уларыйыылары номнуо биллилэр. Эниэргийэнэн хааччыйыы быдан бигэ тирэхтэннэ, тохтоон ылыылар олох суох буоллулар. Биһиги ДЭС-пыт – нэһилиэк сүрэҕэ. Бу түгэх сиргэ энергетика сайдан иһэриттэн үөрэбит. Биһигини болҕомтото суох хаалларбатын иһин Сахаэнерго тэрилтэтигэр барҕа махталбытын биллэрэбит. «Сырдык баар буоллаҕына - сайдыы баар!» - диэн Троицкай олохтооҕо Матрена Архипова санаатын үллэһиннэ уонна нэһилиэнньэттэн Сахаэнерго хампаанньатыгар махталын тиэртэ.
«Сахаэнерго» АУо пресс-сулууспата сырдатыытыттан
