Саха сирин суһал ыстаабын киинэ иһитиннэрэринэн, атырдьах ыйын 2 күнүнээҕи туругунан, саҥа хоруона вируһунан 119 саҥа сутуллуу баара билиннэ. Ыалдьыбыт дьонтон 7,5% стационарга эмтэнэрэ биллэр. Суукка иһигэр 3 киһи үтүөрбүт.
Оройуоннарынан ыалдьыбыт дьон ахсаана:
- Дьокуускайга – 68,
- Үөһээ Бүлүүгэ – 6,
- Мииринэйгэ, Хаҥаласка – 5-тии,
- Мэҥэ-Хаҥаласка, Нерюнгрига – 4-түү,
- Бүлүүгэ, Ленскэйгэ, Намҥа, Сунтаарга, Уус Алдаҥҥа, Өймөкөөҥҥө – 3-түү,
- Горнайга – 2,
- Өлөөҥҥө, Тааттаҕа, Уус Майдаҕа, Чурапчыга – 1-дии.
Суукка иһигэр өрөспүүбүлүкэ лабаратыарыйаларыгар 771 саҥа хоруона вируһун булууга чинчийии буолбут. Хамсык саҕаланыаҕыттан 2 415 774 тиэст оҥоһуллубут.
Быһыыны ылбатах дьон ыарыыны ордук ыараханнык аһарыналлар эбит. Быһыы бастакы компонены 642 017 киһи, оттон хаттаан быһыыны 169 538 киһи ылбыта биллэр.
