Киир

Киир

Саха сиригэр саҥа хоруона вируһунан ыалдьыы ахсаана элбээбитин ВА4 уонна ВА5 «омикрон» саҥа көрүҥнэрэ тарҕаммыттарын кытта сибээстииллэр. Бу туһунан атырдьах ыйын 2 күнүгэр Саха Өрөспүүбүлүкэтигэр саҥа хоруона вируһа тарҕамматын туһугар үлэлиир суһал ыстаап мунньаҕар эттилэр.

«Хабаровскайдааҕы НИИЭМ-ҥа бэрэбиэркэлэммит тиэстэр түмүктэринэн, билиҥҥи саҥа хоруона вируһунан сутуллуу элбээбитэ ВА4 уонна ВА5 «омикрон» көрүҥүн саҥа лииньийэлэрэ тарҕаммыттарын кытта сибээстээх. Бу дааннайдары лабаратыарыйаҕа чинчийии кэнниттэн бигэргэппиттэр. Ол курдук, 12 боруобаттан 11-р – саҥа 4-с уонна 5-с лииньийэ «омикрон» көрүҥнэрэ. Онон, ковид тарҕаныыта салгыы күүһүрэрэ сабаҕаланар», - диэн СӨ Роспотребнадзорун Салалтатын эпидемиологическай надзорун салаатын начаалынньыга Любовь Будацыренова этэр.

Бэлиэтээн эттэххэ, Саха сиригэр омикрон «кентавр» ВА2.75 диэн саҥа көрүҥэ бэлиэтэнэ илик.

СӨ Роспотребнадзорун Салалтатын дааннайдара көрдөрөрүнэн, ааспыт нэдиэлэтээҕи түмүгүнэн, саҥа хоруона вируһунан ыалдьыы ахсаана 79,2% үрдээбит. Ааспыт нэдиэлэҕэ Мэҥэ Хаҥалас, Уус Алдан, Үөһээ Бүлүү, Ленскэй, Таатта, Нерюнгри уонна Мииринэй оройуоннарыгар ковидынан ыалдьыы таһыма үрдээбит.

«Омикрон» ВА4 уонна ВА5 диэн саҥа көрүҥнэрэ ордук сыстыганнаахтарын иһин, профилактическай, харыстанар миэрэлэри күүһүрдүү үлэтэ барар буолла. Ол курдук, уопсастыбаннай сирдэргэ – тырааныспарга, автовокзалга, авиапордарга, элбэх кыбартыыралаах дьиэлэр подъезтарыгар дезинфекция үлэтин саҥардыы уонна быһыыны ылыы тэтимин түргэтэтии мэктиэлэннэ.

Ольга Балабкина аныгыс үөрэх дьылыгар үөрэх тэрилтэлэригэр бэлэмнэнии үлэтин ыытарга ордук болҕомтону ууруу туһунан эттэ. Маны сэргэ, учууталлар, аҕам саастаахтар уонна дьарҕа ыарыылаахтар ковид утары быһыыны булгуччу ылыахтаахтарын туһунан тоһоҕолоото.

Маны таһынан, ковиднай койка миэстэлэри элбэтэргэ соруктар туруорулуннулар.

СӨ Ил Дарханын уонна Бырабыыталыстыбатын пресс-сулууспата

Тарҕат:

Санааҕын суруй

Бүтэһик сонуннар