Киир

Киир

Саха сирин суһал ыстаабын киинэ иһитиннэрэринэн, атырдьах ыйын 3 күнүнээҕи туругунан, саҥа хоруона вируһунан 128 саҥа сутуллуу баара билиннэ, 98 киһи үтүөрбүт.

Оройуоннарынан, куораттарынан ыалдьыбыт дьон ахсаана:

- Дьокуускайга – 74,

- Мииринэйгэ – 7,

- Мэҥэ-Хаҥаласка, Нерюнгрига, Намҥа, Хаҥаласка – 4-түү,

- Үөһээ Бүлүүгэ, Үөһээ Дьааҥыга, Бүлүүгэ, Горнайга, Ленскэйгэ, Сунтаарга, Чурапчыга – 3-түү,

- Алдаҥҥа, Өймөкөөҥҥө, Өлүөхүмэҕэ уонна Өлөөҥҥө– 1-дии.

Суукка иһигэр өрөспүүбүлүкэ лабаратыарыйаларыгар 2919 саҥа хоруона вируһун булууга чинчийии буолбут. Хамсык саҕаланыаҕыттан 2 418 693 тиэст оҥоһуллубут.

Санатар буоллахха, саҥа хоруона вируһунан ыалдьыы ахсаана үрдээбитинэн, COVID-19 утары быһыыны ылыы пууннарын үлэтин бириэмэтин улаатыннаран биэрдилэр. Онон, быһыыны ыла илик дьон, тиэтэйиҥ!

Тарҕат:

Санааҕын суруй

Бүтэһик сонуннар