Киир

Киир

Арассыыйатааҕы Киинэ тыйаатырдарын бас билээччилэрин Ассоциацията дойду бэрэсэдьиэнигэр Владимир Путиҥҥа эбии көмө көрдөһөн сурук суруйда.

Төһө даҕаны биһиги ааспыт түөрт ыйга эйэтэ суох сыһыаннаах тас дойдулартан киирэр киинэлэри солбуйан, сэбиэскэй классикалары, нуучча, Индия уонна Корея киинэлэрин, куйаар ситимигэр эрэ анаммыт Арассыыйа сэрийээллэрин, тыйаатыр туруорууларын уонна успуорт тэрээһиннэрин көрдөрбүппүт иһин, киинэ тыйаатырдарыгар атыыламмыт билиэттэр уонна каассабай хомуйуулар 5% эрэ дохуоту толуктастылар. Ааспыт 2022 с. кулун тутартан бэс ыйыгар диэри дохуоппут уонна атыыламмыт билиэттэрбит ахсааннара ааспыт сыллар орто көрдөрүүлэриттэн 70% түстэ, - диэн Ассоциация суругар суруллубут.    

d5a8937924672a4b38ef9d08aa349e4e

Докумуоҥҥа сурулларынан, маннык турукка ордук күүстээх, үтүө киинэ хартыыналарын көрдөрүү эрэ үчүгэйдик дьайыан сөп курдук. Ол эрээри, улахан киинэни таһаарааччылар кылгас кэм иһигэр аатырыах блокбастердары уһула, таҥа охсубаттар буоллаҕа. Маныаха, дойдуга 200 киинэ  тыйаатыра уонна 1/3 кэмиэрчэскэй киинэ саалалара сабыллыбыттара туоһу буолаллар. Маны таһынан, сурукка «Пушкинскай каарта» бырагырааматын олоххо киллэрии туһунан эмиэ суруллубут. Маннык дьаһаныы киинэ тыйаатырдарыгар «өрөһүлтэ курууга» буолан тахсыбатах эбит.

Pushkinskaya Karta

 — Оборуоппут 70% түспүтүгэр страховой усунуостар 6 ыйдааҕы төлөбүрдэрин болдьоҕун сыҕарытан биэрии даҕаны, кирэдьиит ылыыга чэпчэтии даҕаны уонна кирэдьииккэ киирии уопсайынан суох даҕаны буоллаҕына, киинэ тыйаатырын эйгэтэ уруккутун курдук чөл таһымҥа сылдьар кыаҕа суох диэн билиниэх тустаахпыт. Даҕатан этэр буоллахха, былырыын ФОТ 3.0 бырагырааматынан  ылбыт 1 млрд солкуобайтан ордук үөһэ чэпчэтиилээх кирэдьииттэри төлүүр болдьохпут субу тиийэн кэллэ. Онон, бу эмиэ биһиги үппүт-хамнаспыт туругар улахан охсууну оҥоруо турдаҕа, - диэн киинэ тыйаатырдарын бас билээччилэр суоһурҕаналлар.  

 

Тарҕат:

Санааҕын суруй

Бүтэһик сонуннар