Киир

Киир

Билигин 33-с №-дээх оскуола дьиэтин фасадын, успуорт саалатын, киирэр аанын өрөмүөннүү сылдьаллар. Түннүктэри, ааннары уларыппыттар, цокольнай сабыылары бүрүйбүттэр. Хапытаалынай өрөмүөҥҥэ “Основа” ХЭУо бэдэрээттиир тэрилтэтиттэн 21 үлэһит үлэлиир. Сакаасчыт – “Главстрой” МКУ.

Бэдэрээттиир тэрилтэ иһитиннэр­битинэн, фасадка туттуллар билииккэлэр кэмигэр кэлбэккэ, үлэ тардыллыбыт.

Баһылык Евгений Григорьев ос­куола хапытаалынай өрөмүөнүн салайар, эппиэттээх дьоҥҥо үлэни кытаанахтык хонтуруоллуулларыгар, бэдэрээттиир тэрилтэҕэ эбийиэги хаачыстыбалаахтык оҥороллоругар, кэмигэр туттаралларыгар соруйда.

– Өссө саас бэдэрээтчиттэргэ “үлэ болдьохтоох кэмин тутуһуҥ” диэн сыал-сорук туруорбутум. Оҕолор балаҕан ыйын 1 күнүгэр саҥардыллыбыт оскуолаҕа үөрэнэ киириэхтээхтэр. Быйыл федеральнай бырагырааманан Дьокуускай 11 оскуолатыгар хапытаалынай үлэ бара турар. 20-с, 36-с оскуолаларга өрөмүөн түмүктэннэ. Атыттарга үлэлэр 70 %-тан итэҕэһэ суох бүтэн тураллар. Кэлэр сылга 14 куорат оскуолата бу федеральнай бырагыраамаҕа хапсар, – диэн Евгений Григорьев кэпсээтэ.

Анал биридимиэттэри чиҥэтэн үөрэтэр Л.А. Колосова аатынан 33-с №-дээх уопсай үөрэхтээһин орто оскуолата 1992 сылтан үлэлиир. Оскуола кырыыһата бүтэ­һигин 2015 сыллаахха өрөмүөннэммитэ. 2019 сыллаахха сорох түннүктэри уларыппыттара. Онтон хапытаалынай өрөмүөн тутуллуоҕуттан ыытылла илик.

33 с оскуола 2

Тарҕат:

Санааҕын суруй

Бүтэһик сонуннар