Владивостокка «Азия оҕолоро» VII Норуоттар икки ардыларынааҕы спортивнай оонньуулары үөрүүлээх быһыыга-майгыга сабар тэрээһин кэмигэр, Дьокуускай куорат дьаһалтата "Азия оҕолоро" былааҕын ылла. Биллэринэн, 2024 сылга оонньуулар Дьокуускайга ыытыллыахтара.
Дьокуускай куорат баһылыга Евгений Григорьев бэлиэтээбитинэн, билигин номнуо успуорт эбийиэктэрин тутууга үлэлэр саҕаламмыттар:
«Биһиэхэ бу – икки төгүл улахан эппиэтинэстээх сорук. «Азия оҕолоро» успуорт онньуулара биһиэхэ саҕаламмыттара, онон, үрдүк таһымҥа ыалдьыттары көрсөр туһуттан биһиги күүскэ бэлэмнэниэхпит, Дьокуускай куораты уонна спортсменнары бэлэмниэхпит. Норуоттар икки ардыларынааҕы тэрээһиннэри ыытыы – ханнык баҕарар түбэлтэҕэ куорат инфраструктуратын, социальнай эбийиэктэргэ тупсарыыга ыҥырыынан буолар. Биһиэхэ билигин успуорт эбийиэктэрин тутууга өрөспүүбүлүкэ бырабыыталыстыбатын кытта кыттыгас үлэ бара турар. 2024 сылга диэри Ильменскай уонна Бүөтүр Алексеев аатынан уулуссаҕа успуорт саалалара баар буолуохтара», - диэн Евгений Григорьев бэлиэтээн эттэ.
Бу иннинэ, оонньуулар Норуоттар икки ардыларынааҕы кэмитиэтин бэрэсидьиэнэ Владимир Максимов эппитинии «Азия оҕолоро» IX оонньуулар ханна ыытыллыахтаахтарын 2023 с. быһаарыахтара.
