Киир

Киир

Бээтинсэҕэ, атырдьах ыйын 5 күнүгэр, Алдан оройуонун суута Северин Поздняковка бириигэбэр таһаарбытын туһунан ТайгаПост иһитиннэрэр.

Алдан оройуонун урукку баһылыгын Северин Позднякову Алдаҥҥа тулаайахтарга аналлаах дьиэни тутууга дьалаҕайдык сыһыаннаспытын иһин буруйдаатылар. Суут уурааҕынан, 2015 сыллаахха кини Кузнецов дьиэтин тутуутугар сымыйа аакталарга илии баттаабыт, онуоха бэдэрээччит 34 мөл. солкуобайтан үөһэ суумманы ылбыт. Тулаайах оҕолорго анаммыт дьиэ билигин даҕаны тутулла илик, уопсай хоромньу сууммата 45 мөл. солк. буолбут.

Бастаан Поздякову бэйэтин дуоһунаһын сиэрэ суох туһаммыт диэн буруйдаабыттар, ол эрээри, суут мунньаҕын үлэтин түмүгүнэн, холуобунай дьыаланы арыый сымнатан, дьалаҕайдык туттуу (халатность) ыстатыйатыгар көһөрөн биэрбиттэр. Алдан улууһун урукку баһылыгын буруйдааҕынан аахпыттар уонна 250 тыһ. солкуобай ыстыраабы төлүүрүгэр бириигэбэрдээбиттэр. Ол эрээри, буруйу оҥорууттан болдьоҕун уһуна ааһан, накаастабылтан босхолообуттар.

Санатар буоллахха, Северин Поздняков Алдан оройуонугар баһылыгынан 2013 сыллаахтан үлэлээбитэ, уурайарын туһунан сайабалыанньаны 2021 сыл алтынньы ыйыгар суруйбута.

Тарҕат:

Санааҕын суруй