Киир

Киир


Ытыктабыллаах Саха сирин олохтоохторо! Саха Өрөспүүбүлүкэтин дьаһалтатын уонна бэйэм ааппыттан эһигини Аан дойдутааҕы төрүт олохтоох норуоттар күннэринэн эҕэрдэлиибин!

Бу бырааһынньык биһиги хотугу өрөспүүбүлүкэбитигэр ураты суолталаах. Үйэлэр тухары тыйыс килиимэттээх Сахабыт сиригэр айылҕаны кытта ыкса ситимнэһэн, эйэлээхтик уонна сомоҕолоһон  араас төрүт олохтоох норуоттар олороллор. Кинилэр уһуга-түмүгэ биллибэт, баай устуоруйалаах, бэйэтэ туспа култууралаах, төрүт дьарыктаах, тыллаах уонна былыргы үгэстэрдээх хотугу сир-дойду араҥаччыһыттарынан буолаллар.      

Бүгүн Арассыыйа Хоту дойдута, Арктика – судаарыстыбаҕа стратегическай сүҥкэн суолталаах сир-дойду. Бу инники сайдыыга саҥа кыахтары уонна кэскили биэрэр. Онон, биһиги төрүт олохтоох омуктар ураты сиэрдээх олохторун-дьаһахтарын харыстыах тустаахпыт.   

Өрөспүүбүлүкэҕэ төрүт олохтоох норуоттарга сүҥкэн болҕомто ууруллар, кинилэр олохторун-дьаһахтарын бары өттүн салайыыга өрөспүүбүлүкэтээҕи сокуоннар ылыллыбыттара. Бу тыйыс эрээри көрүөхтэн кэрэ сиргэ-дойдуга саҥа олоҕу аҕалар уонна киһи Арктикаҕа олороругар тардыһыылаах буоларын курдук, судаарыстыбаннай бырагыраамалар уонна бырайыактар үлэлииллэр.

Оскуолалар, балыыһалар, култуура уонна успуорт эбийиэктэрэ, саҥа олорор дьиэлэр тутуллаллар. Бу барыта айылҕаны кытта ыкса ситимнээх олох көрүҥүн харыстыырга сүҥкэн үөрэҕинэн буолар.

Биһиги биир кэлим сомоҕолоһуубутугар дойдубут уонна өрөспүүбүлүкэбит инники сайдыытын тирэҕэ уонна күүһэ кистэнэр. Айар-тутар үлэбит уонна төрөөбүт дойдубут туһугар кыһамньыбыт көмөтүнэн, бүгүн Саха сирэ экономика уонна социальнай эйгэ сайдар сиринэн буолла. Биһиги  биир уопсай төрөөбүт төрүт дьиэбит сайдарын туһугар барытын оҥоробут.

Биһиги биир уопсай сирбитигэр бары норуоттар эйэлээхтик олороллорун туһугар, өрөспүүбүлүкэ ситиһиитин уонна силигилиирин туһугар салгыы үлэлиэхпит диэн  эрэнэбин!

Барыгытыгар кытаанах доруобуйаны, дьолу, тулалыыр эйгэни кытта табыллыыны, барытыгар ситиһиини уонна бары былааҥҥыт олоххо киириитин баҕарабын!

Саха Өрөспүүбүлүкэтин Ил Дархана Айсен Николаев эҕэрдэтин тылбааһа

e6b80927 989c 4868 862e fa92dd27874a

Тарҕат:

Санааҕын суруй