10 эбэтэр онтон элбэх оҕону төрөппүт эбэтэр ииппит ийэҕэ «Дьоруой ийэ» ааты иҥэрэр буолуохтара.
Маннык ыйаахха Арассыыйа Бэрэсидьиэнэ Владимир Путин баттаабытын туһунан «Российская газета» иһитиннэрэр.
Ыйаах этэринэн, ийэ уонна кини оҕолоро Арассыыйа олохтоохторо буолуохтаахтар. Наҕараадаламмыт ийэ биир төгүл 1 мөл. солкуобай суумманы ылар. Маннык ааты дьахтарга кыра оҕото биир сааһын туоллаҕына иҥэрэллэр. Маныаха, атын оҕолоро бары тыыннаах буолуохтаахтар диэн эрээри, дьахтар оҕото үлэлии сылдьан, эбэтэр идэтиттэн сылтаан ыалдьан оһолломмут, Аҕа дойдуну көмүскүү, байыаннай, гражданскай уонна сулууспалыыр эбээһинэһи толоро сылдьан, эбэтэр ыксаллаах быһыы-майгы, теракт кэмигэр өлбүт эбэтэр сураҕа суох сүппүт буоллаҕына, аахсыллыбат.
Маны таһынан, Владимир Путин «Родительская слава» мэтээл уордьанын ылбыт дьоҥҥо 200 тыһ. солкуобай харчынан бириэмийэни туттарыыны киллэрбитэ. Оттон билигин маннык уордьаны ылбыт дьон биир төгүл 100 тыһ. солкуобайы буолбакка, 500 тыһ. солкуобай төлөбүрү ылыахтара. Бу – элбэх оҕолоох дьахталларга үрдүк аат, оттон биир маннык ааттаах уордьаны аан бастаан ССРС саҕана, 1944 сыллаахха от ыйыгар киллэрбиттэрэ.
«Дьоруой ийэ» саҥа уордьан бирилийээннээх уонна эмальлаах кыһыл көмүстэн оҥоһуллуо.
