Киир

Киир

РФ Бэрэсидьиэнин Дьаһалтатын  Салайааччытын солбуйааччы Сергей Кириенко «Таврида.Арт» бэстибээлгэ сахалар павильоннарыгар кэлэ сырытта.

СӨ Ыччакка дьыалатын уонна социальнай коммуникацияларга министиэристибэтэ иһитиннэрбитинэн, биһиги биир дойдулаахтарбыт Саха сирин туһунан истиэндэни көрдөрбүттэр, хоту сиргэ олох уратытын уонна эрэгийиэммит туһунан кэпсээбиттэр.

01

Саха сириттэн кыттааччылар музыка инструменнарыгар оонньообуттар, Сергей Кириенконы кытта оһуохайдаабыттар уонна Саха АССР төрүттэмиитэ 100 сылыгар ананан оҥоһуллубут хомуһу Сергей Кириенкоҕа бэлэхтээбиттэр.

07

Санатар буоллахха, Саха сириттэн дэлэгээссийэ Кырыымҥа Судак таһыгар, Капсель бухтаҕа буола турар «Таврида.Арт» бэстибээлгэ кыттыыны ылар. Онно биһиги өрөспүүбүлүкэбит аатыттан 20 киһи, СӨ Ыччакка дьыалатын уонна социальнай коммуникацияларга миниистирин солбуйааччы Надежда Мохначевская, «Саха сирин кэнгириэс-киинин» салайааччытын солбуйааччы Аида Антонова, Ыччат министиэристибэтин, Эстрада тыйаатырын, Олоҥхо тыйаатырын, Саха сирин Судаарыстыбаннай циркэтин, Хомус аан дойдутааҕы түмэлин уонна киинин бэрэстэбиитэллэрэ кыттыыны ылаллар.

12 бэрэстэбиитэл эрэгийиэн быыстапкатыгар үлэлииллэр, кинилэр бэстибээл кыттааччыларыгар анаан Саха сирин билиһиннэрэллэр. Оттон Күннэй Тимофеева уонна Елена Илистянова Арт-резиденциялар бырайыактарын  куонкурустарыгар, оттон 6 ыччат «Образовательный заезд» тэрээһиҥҥэ кытталлар.

06

 

Тарҕат:

Сэҥээриилэр

Слепцов Анатолий Ник
+1 Слепцов Анатолий Ник 17.08.2022 12:23
Итиччэ кэлэ сылдьыбыт, үрдүк сололооххо, туох Да күттүөннээх этии киирбэтэх дуо ...
Саарбах бэлэмэ суох айан эбит...
Толкуйдаатахха туруорсуох ыйытык, хоту сиргэ буолнай...
Ответить

Санааҕын суруй

Бүтэһик сонуннар