Киир

Киир

Саха сиригэр ааспыт суукка иһигэр биир даҕаны саҥа тыа баһаара тахсыбата. Уус Майда оройуонугар биир тыа баһаарын салгыы тарҕамматын курдук тохтоттулар, Өлүөхүмэ уонна Орто Халыма оройуоннарыгар иккилии тыа баһаардарын умуллардылар. Бу туһунан СӨ Экологияҕа, айылҕаны туһаныыга уонна тыатын хаһаайыстыбатын миниистирин солбуйааччы Андрей Коноплев иһитиннэрэр.

Билигин Саха сирин үрдүнэн 10 тыа баһаара күүдэпчилэнэр, олортон алтата Уус Майда оройуонугар, икки Орто Халымаҕа, биирдии тыа баһаардара Өймөкөөн уонна Булун оройуоннарыгар баара биллэр. Ааспыт сылга баччаларга 92 ойуур баһаара бэлиэтэммит этэ.

«Атырдьах ыйын 19 күнүн сарсыардааҥҥы туругунан, өрөспүүбүлүкэҕэ үһүс кылаастан үрдүгэ суох тыа баһаарын куттала өссө даҕаны баар. Муниципальнай хабааннаах ыксаллаах быһыы-майгы балаһыанньата Уус Майда улууһугар турар», - диэн Андрей Коноплев иһитиннэрэр.

Баһаарга кутталлаах буолуу сезон саҕаланыаҕыттан, Саха сирин үрдүнэн 522 тыа баһаара тахсыбыта бэлиэтэммит. Ааспыт сыл баччаларга 6 976 878 иэннээх сиргэ 1477 ойуур баһаара бэлиэтэммитэ биллэр.

 

Тарҕат:

Санааҕын суруй